ХЭРГИЙН ТАНИЛЦУУЛГА: Нэхэмжлэгч нь хариуцагчтай хамтран автомашины худалдаа эрхэлж, олсон ашгаараа үл хөдлөх хөрөнгө худалдан авч хамтран өмчилсөн. Гэтэл зээл авах шаардлага гарсанд нэхэмжлэгчийн нэр дээр их хэмжээний зээлтэй байсан тул хамтран өмчилж байсан газар, гараажийг бэлэглэлийн гэрээгээр хариуцагч руу шилжүүлсэн. Улмаар нэхэмжлэгч тус бэлэглэлийн гэрээнүүдийг хүчин төгөлдөр бусд тооцуулж, өмчлөх эрхийг тогтоолгохоор нэхэмжилжээ. Хариуцагч нь тус үл хөдлөх хөрөнгийг өөрийн хөрөнгөөр худалдан авч, шинээр барьсан бөгөөд бэлэглэлийн гэрээг хүчин төгөлдөр бусад тооцох үндэслэлгүй гэж маргажээ.
АНХАН ШАТ: Нэхэмжлэлийг хангаж, талуудын хооронд 2019 оны 03 дугаар сарын 21-ний өдөр байгуулсан гарааш, газрыг бэлэглэх гэрээнүүдийг хүчин төгөлдөр бус хэлцэл болохыг тогтоож, нэхэмжлэгчийг тухайн газар, гараашийн хамтран өмчлөгчөөр тогтоосон.
ҮНДЭСЛЭЛ: Талууд хамтран автомашин худалдаа, тээвэр зууч, засвар үйлчилгээний чиглэлээр ажиллаж байсан нь нотлогдсон. Хамтын ажиллагааны явцад худалдан авсан газар, барьсан гарааш нь хамтын үйл ажиллагааны үр дүнд бий болсон, талуудын дундаа өмчлөх хөрөнгө гэж үзэх үндэслэлтэй. Бэлэглэлийн гэрээ байгуулахдаа гэрээгээр хүлээх үүргээ биелүүлэх зорилгогүй, дүр үзүүлэн хийсэн хэлцэл байсан тул Иргэний хуулийн 56 дугаар зүйлийн 56.1.2, 56.5-т заасны дагуу хүчин төгөлдөр бус хэлцэл болох нь тогтоогдсон.
Өөр асуулт байна уу?
Монгол Улсын хууль, тогтоомж, шүүхийн шийдвэрийн санд суурилсан хиймэл оюунаас хүссэн асуултаа асуу
Асуух