Тогтоол №124997

ХЭРГИЙН ТАНИЛЦУУЛГА: Нэхэмжлэгч нь захиргааны актын хүчингүй болгох, ажлаас эгүүлэн тогтоолгох, олговор гаргуулах шаардлага гаргасан. Нэхэмжлэгч нь ажил олгогчоос шахалт, дарамт учруулж, ажлаа хэвийн явуулах боломжгүй болсон тул өөрийн хүсэлтээр өргөдөл гаргасан гэдгээ тайлбарласан. Хариуцагч нь нэхэмжлэгч нь ажлын хариуцлага алдаж, албан тушаалаас өөрийн хүсэлтээр чөлөөлөгдсөн бөгөөд өөр ажилд томилогдсон тул нэхэмжлэлийг хүлээн авахгүй байх үндэслэлтэй гэж тайлбарласан.

АНХАН ШАТ: Шүүхээс нэхэмжлэлийн шаардлагыг хангаж, нэхэмжлэгчийг урьд эрхэлж байсан албан тушаалд нь эгүүлэн тогтоож, ажлаас үндэслэлгүй чөлөөлсөн хугацааны дундаж цалинтай тэнцэх олговор гаргуулах, нийгмийн болон эрүүл мэндийн даатгалын шимтгэлийг нөхөн төлүүлэхээр шийдвэрлэсэн.

ҮНДЭСЛЭЛ: Ажил олгогчийн зүгээс нэхэмжлэгчийн ажил үүргээ гүйцэтгэж байх хугацаанд нь түүний албан тушаалд өөр этгээдүүдийг томилуулах талаар холбогдох байгууллагад санал хүргүүлж байсан нь нотлогдсон. Захиргааны акт нь цаг хугацааны хувьд үндэслэлгүй, нэхэмжлэгчийн хүсэлтээр бус, ажлын хариуцлага алдсан үндэслэлээр чөлөөлөгдөх байсан нөхцөл байдал байсан. Ажилтан өөрийн санаачилгаар өргөдөл гаргасан гэх боловч энэ нь хөндлөнгийн оролцоогүй, сайн дурын үндсэн дээр гаргасан хүсэлт гэж үзэх боломжгүй. Ажилтан нь ажил олгогчийн шахалт, зүй бус нөлөөлөлгүйгээр хөдөлмөрийн гэрээг цуцлах өргөдлийг өөрийн хүсэл зоригийн дагуу гаргасан гэж үзэх үндэслэл тогтоогдоогүй. Ажлаас чөлөөлсөн нь хууль зүйн үндэслэлгүй тул нэхэмжлэгчийг урьд эрхэлж байсан ажил, албан тушаалд нь эгүүлэн тогтоож, дундаж цалинтай тэнцэх олговор гаргуулах нь зүйтэй.