Үйл явдал
Гэрээ байгуулах тухай маргаан — гэрээний үүрэг биелүүлэх. Нэхэмжлэгч тал нь зохиогчийн эрхтэй ном хэвлүүлж, хариуцагч талд 5000 ширхэг ном нийлүүлэхээр тохиролцсон боловч хариуцагч тал удирдлага солигдсон гэх шалтгаанаар гэрээг хүлээн зөвшөөрөхгүй байгаа юм.
Талуудын байр суурь
- Нэхэмжлэгч: Ном нийлүүлэх гэрээ байгуулсан тул гэрээний дагуу номыг нийлүүлэхийг шаардаж байна.
- Хариуцагч: Гэрээг эрх бүхий этгээд байгуулаагүй, мөн төсөвт тусгагдаагүй тул гэрээг хүлээн зөвшөөрөхгүй байна.
Шийдвэр ба үндэслэл
Нэхэмжлэлийн шаардлагыг хангаж шийдвэрлэхээр тогтоосон. Хариуцагч талын хэлэлцээрийн санал, гэрээний төсөл, харилцан өгсөн албан бичгүүд нь гэрээ байгуулах санал болон хариуг илэрхийлсэн тул гэрээ байгуулагдсанд тооцох ёстой. Гэрээний гол нөхцөлийг тохирсон хавсралт хэсэгт компанийн эрх бүхий этгээд гарын үсэг зурагдсан байсан тул гэрээний хэлбэр дүрэм, зохион байгуулалтын өөрчлөлт нь нэхэмжлэгчийн буруутай үйлдэл болохгүй.
Хууль зүйн гол дүгнэлт
- Гэрээ байгуулах санал, хариуг бичгээр илэрхийлсэн бол талууд нэг баримт бичиг үйлдэж, гарын үсэг зурах эсвэл санал зөвшөөрснөө илэрхийлсэн албан бичиг, захидалтай адилтгах баримттай бол гэрээ байгуулагдсанд тооцох ёстой (Иргэний хууль 196.1.2).
- Гэрээний хэлбэр дүрэм хангахгүй байгаа нь байгууллагын дотоод зохион байгуулалт эсвэл удирдлагын өөрчлөлттэй холбоотой бол энэ нь нэхэмжлэгчийн буруутай үйлдэл болохгүй (Иргэний хууль 196.1.2).