Тогтоол №9911

ХЭРГИЙН ТАНИЛЦУУЛГА: Гурван этгээд нь бүлэглэн автомашины дугуйг хулгайлсан хэрэгт холбогдсон. АНХАН ШАТ: Хулгайлах гэмт хэргийг бүлэглэн, машин механизм ашиглаж үйлдсэнийг тогтоож, хорих ял оногдуулсан. ДАВЖ ЗААЛДАХ ШАТ: Анхан шатны шүүхийн шийдвэрийг эс зөвшөөрч прокурор болон шүүгдэгч, өмгөөлөгч нар гомдол гаргасан. Өмгөөлөгчид “домакрат, торцов”-ыг зэвсэгт тооцох, машин механизм ашигласан гэх зүйлчлэлийг хэрэглэх үндэслэлгүй гэж үзсэн. Өмгөөлөгч О.А-ын хуулийн байдлыг дээрдүүлж, ял хойшлуулах хүсэлт гаргасан. ҮНДЭСЛЭЛ: Анхан шатны шүүх “домакрат, торцов”-ыг зэвсэг, “машн механизм ашигласан” гэж зүйлчлэхдээ Эрүүгийн хуулийг буруу тайлбарласан. Дугуй хулгайлах гэмт хэрэгт “домакрат, торцов” нь “тусгайлан бэлтгэсэн зэвсэг”-т хамаарахгүй. Автомашиныг “учрах саадыг арилгах зорилгоор” ашигласан нь нотлогдоогүй. Хулгайлах гэмт хэргийг бүлэглэн үйлдсэнийг тогтоож, Эрүүгийн хуулийн тусгай ангийн 17.1 дүгээр зүйлийн 1 дүгээр хэсэгт зааснаар зүйлчлэн, хорих ял оногдуулахгүйгээр шүүгдэгч О.А, О.Ч нарыг тэнсэж, Б.Ч-ыг хорих ял оногдуулахгүйгээр хянан харгалзахаар шийдвэрлэсэн.