Тогтоол №9676

ХЭРГИЙН ТАНИЛЦУУЛГА: Мансууруулах болон сэтгэцэд нөлөөлөх бодис хууль бусаар хадгалсан хэрэг. АНХАН ШАТ: Худалдаалах зорилгогүйгээр хориглосон бодис хууль бусаар бэлтгэсэн, хадгалсан гэм буруутайд тооцож, 3 жилийн хорих ялаар шийтгэсэн. ДАВЖ ЗААЛДАХ ШАТ: Шүүгдэгч болон өмгөөлөгч нар анхан шатны шүүхийн шийтгэх тогтоол нь хэргийн бодит байдалтай нийцээгүй, хуулийг буруу хэрэглэсэн, шүүгдэгчийн хувийн байдал, ар гэрийн нөхцөл байдлыг харгалзан ялыг хөнгөрүүлэхийг хүссэн.

ҮНДЭСЛЭЛ: Давж заалдах шатны шүүх хэргийг бүхэлд нь хянаж үзээд, анхан шатны шүүхээс шүүгдэгчийг "бэлтгэсэн" гэх үйлдлээр хүндрүүлэн гэм буруутайд тооцсон нь прокурорын яллах дүгнэлтээс хэтэрсэн, мөн шүүгдэгчийг анх удаа тохиолдлын шинжтэйгээр гэмт хэрэг үйлдсэн, үйлдсэн гэмт хэргийнхээ хор уршгийг ухамсарлаж, гэмшиж байгаа зэрэг байдлыг харгалзан үзэж, эрүүгийн хариуцлагыг оногдуулахдаа хууль зүйн үндэслэлгүй хүндрүүлсэн гэж үзсэн. Анхан шатны шүүхээс оногдуулсан 3 жилийн хорих ялыг 1 жил 2 сарын хорих ял болгон өөрчилж, ял эдлэх байгууллагыг нээлттэй хорих байгууллагад эдлүүлэхээр шийдвэрлэсэн.