Тогтоол №9583

ХЭРГИЙН ТАНИЛЦУУЛГА: Ховор амьтан агнаж, тээвэрлэсэн гэмт хэрэгт холбогдсон иргэнийг анхан шатны шүүхээс торгох ялаар шийтгэсэн. Прокурор шийтгэх тогтоолын тодорхойлох хэсэгт учирсан хохирлыг нөхөн төлсөн тухай дурдаагүй нь хууль зөрчсөн хэмээн үзэж эсэргүүцэл гаргасан.

АНХАН ШАТ: Шүүгдэгчийг ховор амьтан тусгай зөвшөөрөлгүй агнаж, тээвэрлэсэн гэмт хэрэг үйлдсэнд тооцож, Эрүүгийн хуулийн тусгай ангийн 24.5 дугаар зүйлийн 1 дэх хэсэгт зааснаар 5,400,000 төгрөгөөр торгох ялаар шийтгэж, торгох ялыг 2 жилийн хугацаатай хэсэгчлэн төлүүлэхээр тогтоосон. Мөн гэмт хэрэгт ашигласан тээврийн хэрэгсэл, галт зэвсгийн үнийг улсын төсөвт шилжүүлж, хураагдсан эд мөрийн баримтыг устгахыг даалгасан.

ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолын тодорхойлох хэсэгт шүүгдэгч хохирлоо нөхөн төлсөн талаар дурдаагүй нь Эрүүгийн хэрэг хянан шийдвэрлэх тухай хуулийн холбогдох зүйл заалттай нийцэхгүй байна хэмээх үндэслэлээр эсэргүүцэл гаргасан. Давж заалдах шатны шүүх хэргийг бүхэлд нь хянаад, анхан шатны шүүхийн дүгнэлт хэргийн баримттай нийцсэн, хууль зүйн үндэслэлтэй болохыг тогтоож, шүүгдэгчийн үйлдсэн хэрэг нотлогдсон, оногдуулсан ял шийтгэл нь тохирсон гэж үзэн, анхан шатны шүүхийн шийтгэх тогтоолыг хэвээр үлдээж, прокурорын эсэргүүцлийг хэрэгсэхгүй болгосон.

ҮНДЭСЛЭЛ: Шүүгдэгч ховор амьтан агнасан нь нотлох баримтаар тогтоогдсон. Анхан шатны шүүхээс оногдуулсан ял шийтгэл нь үйлдсэн гэмт хэргийн хэмжээ, нийгмийн аюулын шинж чанарт тохирсон. Шүүгдэгч хохирлоо нөхөн төлсөн боловч анхан шатны шүүхийн шийтгэх тогтоолын тогтоох хэсэгт "... шүүгдэгчээс гаргуулах хохирол төлбөргүй..." гэж дурьдсан нь прокурорын эсэргүүцэлд дурдсан байдалтай нийцсэн боловч тогтоолын бусад хэсэгт энэ нь хангагдаж байсан тул эсэргүүцлийг хэрэгсэхгүй болгосон.