Тогтоол №9353

ХЭРГИЙН ТАНИЛЦУУЛГА: Архивын тасгийн даргаар ажиллаж байсан Д.О нь иргэн С.Т-ийг албан тушаалд томилсон, чөлөөлсөн тушаалыг хуурамчаар үйлдэж 1.500.000 төгрөгийн хахууль авсан, мөн бусдыг армийн ажил хийсэн гэх цалингийн тодорхойлолтыг хуурамчаар үйлдэн шүүхэд гаргаж өгсөн. Иргэн С.Т нь өөртөө давуу байдал бий болгох зорилгоор Д.О-ээр дээрх тушаалуудыг хуурамчаар үйлдүүлэн авч хахууль өгсөн, мөн хуурамч баримтыг мэдсээр байж шүүхэд гаргаж өгсөн.

АНХАН ШАТ: Д.О-г хээл хахууль авах, нотлох баримтыг хуурамчаар үйлдсэн гэмт хэрэгт, С.Т-ийг нотлох баримтыг хуурамчаар бүрдүүлэх, хахууль өгөх гэмт хэрэгт тус тус тус тус тооцож, Д.О-г нийт 14.960.400 төгрөгөөр торгох, С.Т-ийг 6 сар баривчлах, 1 жил хорих ялаар тус тус шийтгэж, С.Т-ийн хорих ялыг тэнссэн. Мөн С.Т-оос 9.283.750 төгрөгийг гаргуулж, Д.О-оос 1.500.000 төгрөгийг улсын төсөвт оруулж, С.Т-ийн эд хөрөнгийг битүүмжилсэн.

ДАВЖ ЗААЛДАХ ШАТ: Шүүгдэгч Д.О болон түүний өмгөөлөгч нь анхан шатны шүүхийн шийтгэх тогтоолтой эс зөвшөөрч, Д.О-ийн хувийн байдал, эдийн засгийн чадварыг харгалзан торгуулийг хэсэгчлэн төлөх боломж олгох, хуваарилалт, хугацаа тогтоосон өөрчлөлт оруулах талаар гомдол гаргасан. Прокурор нь анхан шатны шүүхийн шийтгэх тогтоол хууль ёсны, үндэслэлтэй тул хэвээр үлдээхийг хүссэн.

ҮНДЭСЛЭЛ: Анхан шатны шүүх нь Д.О, С.Т нарт эрх хасах нэмэгдэл ял оногдуулах хуулийн заалтыг хэрэглээгүй нь Эрүүгийн хуулийн ерөнхий ангийн 5.7 дугаар зүйлийн 2 дахь хэсэгт заасан хуулийн шаардлагад нийцээгүй. Энэ нь Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн үндэслэл болж, анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр мөн шүүхэд буцаахаар шийдвэрлэсэн.