Тогтоол №8407

ХЭРГИЙН ТАНИЛЦУУЛГА: Иргэн Г.Э нь согтууруулах ундааны зүйл хэрэглэсэн үедээ бусдын гар утыг хүч хэрэглэхгүйгээр, хууль бусаар авсан гэмт хэрэгт холбогджээ. АНХАН ШАТ: Г.Э-ийг Эрүүгийн хуулийн тусгай ангийн 17.2 дугаар зүйлийн 1 дэх хэсэгт заасан бусдын эд хөрөнгийг илээр, хүч хэрэглэхгүйгээр хууль бусаар авсан гэмт хэрэг үйлдсэн гэм буруутайд тооцож, 1 жилийн хугацаагаар тэнсэж, тэнссэн хугацаанд "засарч хүмүүжих" үүрэг хүлээлгэжээ. ДАВЖ ЗААЛДАХ ШАТ: Прокурор анхан шатны шүүхийн шийдвэрийн тодорхойлох хэсэгт заасан үүрэг нь хуульд байхгүй, тодорхойгүй, Эрүүгийн хэрэг хянан шийдвэрлэх тухай хуулийн шаардлагад нийцэхгүй байна хэмээн эсэргүүцэл бичжээ. Давж заалдах шатны шүүх прокурорын эсэргүүцлийг хүлээн авч, анхан шатны шүүхийн шийтгэх тогтоолын зарим хэсгийг өөрчилж, тодорхой үүргийг нэмж оруулсан.

ҮНДЭСЛЭЛ: Анхан шатны шүүх гэмт хэргийн бодит байдал, шүүгдэгчийн үйлдлийг зөв тодорхойлсон боловч, шүүгдэгчид хүлээлгэх үүргийг хуулийн бус аргаар, хуульд заагдаагүй үг хэллэг ашиглан тодорхойлсон нь Эрүүгийн хуулийг буруу хэрэглэсэнд тооцогдсон. Давж заалдах шатны шүүх Эрүүгийн хэрэг хянан шийдвэрлэх тухай хуулийн 39.7 дугаар зүйлийн 1 дэх хэсгийн 1.1-д зааснаар хуулийг буруу хэрэглэсэн гэж үзэж, шийтгэх тогтоолд өөрчлөлт оруулж, Эрүүгийн хуулийн ерөнхий ангийн 7.3 дугаар зүйлийн 2 дахь хэсгийн 2.2-т заасан үүргийг тодорхой хэлбэрээр нэмж оруулсан.