Тогтоол №6638

ХЭРГИЙН ТАНИЛЦУУЛГА: Хууль сахиулагчийг албан үүргээ гүйцэтгэж байхад нь эсэргүүцэж, биед нь хөнгөн хохирол учруулсан хэрэгт холбогдсон этгээдтэй холбоотой эрүүгийн хэргийг хянан хэлэлцсэн. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1-д зааснаар 300 цаг нийтэд тустай ажил хийлгэх ял; мөн хуулийн тусгай ангийн 23.1 дүгээр зүйлийн 1-д зааснаар 1 жилийн хугацаагаар тэнсэж, нэмэлт үүрэг хүлээлгэж, албадлагын арга хэмжээ авсан. ДАВЖ ЗААЛДАХ ШАТ: Прокурор нь анхан шатны шүүх Эрүүгийн хуулийг буруу хэрэглэсэн, ялангуяа хоёр гэмт хэрэг үйлдсэн этгээдийг тэнссэн нь хууль ёсны бус гэж үзэн эсэргүүцэл гаргасан. Давж заалдах шатны шүүх прокурорын эсэргүүцлийг үндэслэлтэй гэж үзэж, анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Шинэчлэн найруулсан Эрүүгийн хуульд хоёр ба түүнээс дээш гэмт хэрэг үйлдсэн этгээдийг тэнсэхгүй байхаар тодорхой заасан байдаг. Анхан шатны шүүх нь хоёр гэмт хэргийг санаатай үйлдсэн этгээдэд Эрүүгийн хуулийн ерөнхий ангийн 6.7 дугаар зүйлийн 1 дэх хэсэгт заасныг баримтлан ял оногдуулахгүйгээр тэнссэн нь хууль зүйн үндэслэлгүй байна.