Тогтоол №16706

ХЭРГИЙН ТАНИЛЦУУЛГА: Хууль сахиулагчийг албан үүргээ биелүүлэх үед нь эсэргүүцэж, хууль сахиулах албаны тоног төхөөрөмжид халдсан гэх хэрэг. АНХАН ШАТ: Шүүгдэгчийг Эрүүгийн хуулийн тусгай ангийн 23.1 дүгээр зүйлийн 2 дахь хэсгийн 2.2-д зааснаар гэм буруутайд тооцож, 1 жилийн хугацаагаар хорих ял оногдуулж, уг ялыг 1 жилийн хугацаагаар тэнсэж, тодорхой хязгаарлалттай хяналт тавих шийтгэх тогтоол гаргасан. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолыг Эрүүгийн хуулийг буруу хэрэглэсэн гэж үзэн эсэргүүцэл бичсэн. Анхан шатны шүүх ял оногдуулж тэнссэн нь Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.2-д заасныг буруу хэрэглэсэн, гэм буруутай этгээдэд ял оногдуулахгүйгээр тэнсэхээр заасан байсныг анхаарч үзээгүй гэж үзсэн.

ҮНДЭСЛЭЛ: Давж заалдах шатны шүүх Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.2-ын агуулга, зориулалтыг буруу тайлбарласан гэж дүгнэн, анхан шатны шүүхийн шийтгэх тогтоолын зарим хэсгийг өөрчилж, шүүгдэгчид ял оногдуулахгүйгээр тэнссэн.