Тогтоол №5814

ХЭРГИЙН ТАНИЛЦУУЛГА: Иргэн С.О нь хохирогч Д.А-ыг зодож, хөнгөн хохирол учруулсан хэргээр буруутгагдсан. АНХАН ШАТ: С.О-г хүний эрүүл мэндэд хөнгөн хохирол учруулсан гэмт хэрэг үйлдсэнд тооцож, 600,000 төгрөгөөр торгох ял оногдуулж, 3 сарын хугацаанд хэсэгчлэн төлөхийг зөвшөөрч, учирсан 579,100 төгрөгийн хохирлыг гаргуулан хохирогчид төлүүлэхээр шийтгэсэн. ДАВЖ ЗААЛДАХ ШАТ: Хохирогчийн өмгөөлөгч хэргийн бүрдэл хангагдаагүй, нотолбол зохих байдлууд бүрэн нотлогдоогүй, хүний эрүүл мэндэд хохирол учруулах үедээ хохирогчийн гар утыг булаан авсан үйлдлийг шалгаагүй, шүүгдэгчийн ял шийтгэлтэй эсэхийг шалгах баримтыг буруу хавсаргасан зэрэг үндэслэлээр анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр буцаахыг хүссэн. Прокурор анхан шатны шүүхийн шийтгэх тогтоолыг хэвээр үлдээх саналтай байсан.

ҮНДЭСЛЭЛ: Давж заалдах шатны шүүх хэргийн бүх ажиллагаа, шийдвэрийг бүхэлд нь хянаад, мөрдөн шалгах явцад нотолбол зохих байдлууд хангалттай тодруулагдаагүй байхад шүүх хэргийг эцэслэн шийдвэрлэсэн нь үндэслэлгүй гэж үзсэн. Хохирогчийн мэдүүлэгт дурдсан гар утыг булааж авсан үйлдэл нь тусдаа гэмт хэргийн шинжийг хангах эсэх, шүүгдэгчийн ял шийтгэлтэй эсэхийг шалгах баримт зөрүүтэй зэрэг нөхцөл байдлуудыг тодруулах, шүүгдэгчийн үйлдлийн талаар Эрүүгийн хуулийн бусад зүйл заалтыг хэрэглэх эсэхийг тодорхой болгох шаардлагатай тул анхан шатны шүүхийн шийтгэх тогтоолыг хүчингүй болгож, хэргийг шүүхийн урьдчилсан хэлэлцүүлэг явуулахаар буцаасан.