Тогтоол №18038

ХЭРГИЙН ТАНИЛЦУУЛГА: М.О, Б.Б нар нь бусдын эд хөрөнгийг дээрэмдэх, эрүүл мэндэд хохирол учруулах гэмт хэрэгт холбогдсон. АНХАН ШАТ: М.О-г бусдын эд хөрөнгийг дээрэмдэх, бүлэглэн эрүүл мэндэд хүндэвтэр хохирол учруулах гэмт хэрэгт, Б.Б-г хүний эрүүл мэндэд хөнгөн хохирол учруулах, бүлэглэн эрүүл мэндэд хүндэвтэр хохирол учруулах гэмт хэрэгт тус тус гэм буруутайд тооцож, ял оногдуулсан. ДАВЖ ЗААЛДАХ ШАТ: Шүүгдэгч М.О нь ял шийтгэлээ эс зөвшөөрч давж заалдах гомдол гаргасан. Давж заалдах шатны шүүх анхан шатны шүүхийн шийтгэх тогтоол нь хууль ёсны болон үндэслэл бүхий болж чадаагүй, шүүгдэгч нарын гэм бурууг тогтооход эрх зүйн дүгнэлт хийгээгүй, нотлох баримтуудыг бүрэн үнэлээгүй, хэргийн бодит байдалд нийцээгүй дүгнэлт хийсэн гэж үзэж, шийтгэх тогтоолыг хүчингүй болгосон.

ҮНДЭСЛЭЛ: Анхан шатны шүүх нь хүндэвтэр хохирол учруулсан гэмт хэргийг шийдвэрлэхдээ шүүгдэгч тус бүрийн гэм буруу, учруулсан хохирлын хэмжээ зэргийг нарийвчлан тогтоогоогүй, нотлох баримтуудыг хууль зүйн үндэслэлтэйгээр дүгнэлт хийгээгүй нь Эрүүгийн хэрэг хянан шийдвэрлэх тухай хуулийг зөрчсөн. Яллах дүгнэлтэд заасан нотлох баримтууд харилцан зөрүүтэй байхад аль нэгийг нь авахдаа бусдыг нь үгүйсгэсэн үндэслэлийг тайлбарлаагүй. Мөн дээрмийн хэргийн талаар хамт байсан этгээдүүдийг шалгаж тогтоолгүйгээр шүүгдэгчийн мэдүүлэгт тулгуурлан шийдвэр гаргасан нь үндэслэлгүй.