Тогтоол №4925

ХЭРГИЙН ТАНИЛЦУУЛГА: Согтууруулах ундааны зүйл хэрэглэж, жолоодох эрхгүй байхдаа тээврийн хэрэгсэл жолоодож, улмаар бусдын эрүүл мэнд, эд хөрөнгөд хохирол учруулсан хэрэг. АНХАН ШАТ: Тээврийн хэрэгслийн хөдөлгөөний аюулгүй байдал, ашиглалтын журам зөрчсөн үйлдлийг Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.1, 2.2-т зааснаар зүйлчлэн, жолоодох эрхийг 2 жил хасч, 1 жил хорих ял шийтгэж, хохиролд 1 423 944 төгрөг гаргуулахаар шийдвэрлэсэн. ДАВЖ ЗААЛДАХ ШАТ: Шүүгдэгч болон өмгөөлөгч нь үйлдсэн хэргээ хүлээн зөвшөөрч, хохирол барагдуулсан, гэмшиж байгаа байдлыг харгалзан оногдуулсан ялыг хөнгөрүүлэхийг хүссэн. Прокурор анхан шатны шийдвэрийг хэвээр үлдээхийг санал болгосон.

ҮНДЭСЛЭЛ: Хуулийн буруу хэрэглээг зөвтгөх, гэм буруутай этгээдийн хохирол барагдуулсан, гэмшиж байгаа байдлыг харгалзан ялыг хөнгөрүүлэх нь үндэслэлтэй. Гэхдээ согтуурсан үедээ гэмт хэрэг үйлдсэн нь ял хөнгөрүүлэх, тэнсэх үндэслэл болохгүй тул давж заалдах шатны шүүх ял шийтгэх тогтоолын зарим хэсгийг өөрчилж, оногдуулсан хорих ялыг 6 сар болгон хөнгөрүүлэн, хорих байгууллагад эдлүүлэхээр шийдвэрлэсэн.