Тогтоол №2822

ХЭРГИЙН ТАНИЛЦУУЛГА: Иргэний эд хөрөнгийг залилан мэхэлж авсан хэрэгт холбогдсон этгээдийг анхан шатны шүүх цагаатгасан. АНХАН ШАТ: Эрүүгийн хуулийн тусгай ангийн 148 дугаар зүйлийн 148.4-т зааснаар хэргийг Эрүүгийн байцаан шийтгэх хуулийн 24 дүгээр зүйлийн 24.1.1-т зааснаар хэрэгсэхгүй болгож, цагаатгасан. ДАВЖ ЗААЛДАХ ШАТ: Улсын яллагч, прокурор нар анхан шатны шүүхийн шийдвэрийг эсэргүүцэн, хэргийн бодит байдлыг бүрэн тогтоогоогүй, гэрч, хохирогчдын мэдүүлгийн зөрчлийг арилгаагүй, гэмт хэргийн улмаас учирсан хохирлын хэмжээг нарийвчлан тогтоогоогүй, мөрдөн байцаалтын ажиллагааны явцад зөрчил гаргасан хэмээн үзэж, шийдвэрийг хүчингүй болгож, хэргийг нэмэлт мөрдөн байцаалт хийлгүүлэхээр прокурорт буцаах саналтай байсан. Давж заалдах шатны шүүх уг эсэргүүцлийг үндэслэлтэй гэж үзэж, анхан шатны шүүхийн цагаатгах тогтоолыг хүчингүй болгон хэргийг нэмэлт мөрдөн байцаалт хийлгүүлэхээр прокурорт буцаасан.

ҮНДЭСЛЭЛ: Анхан шатны шүүх Эрүүгийн байцаан шийтгэх хуулийн 284 дүгээр зүйлд заасан шүүхийн шийдвэр хууль ёсны ба үндэслэлтэй байх шаардлагад нийцээгүй. Хэрэгт нотолбол зохих гэмт хэрэг гарсан байдал, учирсан хохирлын хэмжээг тогтоогоогүй. Хохирогч, гэрч нарын мэдүүлгийн зөрүүг арилгаж, хохирлын хэмжээг нарийвчлан тогтоолгох, мөн мөрдөн байцаалтын ажиллагааны явцад Эрүүгийн байцаан шийтгэх хуулийг зөрчсөн байдлыг тогтоох шаардлагатай байна. Иймд анхан шатны шүүхийн цагаатгах тогтоолыг хүчингүй болгож, хэргийг нэмэлт мөрдөн байцаалт хийлгүүлэхээр прокурорт буцаасан.