Тогтоол №2532

ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ бусдын бие махбодид хүнд зэргийн гэмтэл санаатай учруулсан хэрэгт холбогдох хүний хэргийг хөөн хэлэлцэх хугацаа өнгөрсөн үндэслэлээр хэрэгсэхгүй болгосон анхан шатны шүүхийн шийтгэх тогтоолыг эс зөвшөөрч давж заалдсан. АНХАН ШАТ: Эрүүгийн хуулийн тусгай ангийн 96.1-д заасан үйлдлийг 99.1 болгон хөнгөрүүлэн зүйлчилж, Эрүүгийн хуулийн ерөнхий ангийн 72.1.1-д зааснаар хөөн хэлэлцэх хугацаа өнгөрсөн тул хэргийг хэрэгсэхгүй болгосон. ДАВЖ ЗААЛДАХ ШАТ: Прокурор хэргийг хэрэгсэхгүй болгосон нь үндэслэлгүй, шинжээч эмчийг шүүх хуралдаанд оролцуулаагүй, гэмтлийн зэргийг тогтоохдоо бусад нотлох баримттай зөрчилтэй дүгнэлтийг үндэслэсэн, Эрүүгийн байцаан шийтгэх хуулийг ноцтой зөрчсөн гэж үзэн анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Хохирогчийн биед учирсан гэмтлийн зэрэг тогтоох шүүх эмнэлгийн дүгнэлтүүд хоорондоо эрс зөрүүтэй байхад анхан шатны шүүх аль нэгийг нь үндэслэж, бусдыг нь үгүйсгэсэн үндэслэлээ тодорхой заагаагүй нь хэргийн жинхэнэ байдалтай нийцээгүй, хуулийг буруу хэрэглэсэн. Шүүх эмнэлгийн сүүлийн дүгнэлт болон бусад нотлох баримттай зөрчилтэй байдал, мөн Эрүүгийн байцаан шийтгэх хуульд байхгүй заалтыг хэрэглэж хэргийг хэрэгсэхгүй болгосон нь буруу.