Тогтоол №2058

ХЭРГИЙН ТАНИЛЦУУЛГА: Эрүүгийн хуулийн тусгай ангийн 148.4-д зааснаар залилан мэхлэх гэмт хэрэгт холбогдох иргэн Б.М-ийн хэргийг анхан шатны шүүх шийдвэрлэв. АНХАН ШАТ: Б.М-ийг бусдын эд хөрөнгийг залилан авч, 52,755,000 төгрөгийн хохирол учруулсан гэм буруутайд тооцон 10 жил 10 хоног хорих ял оногдуулж, 7,205,000 төгрөгийг хохирогчид төлүүлэхээр шийдвэрлэв. ДАВЖ ЗААЛДАХ ШАТ: Ялтны болон хохирогчийн өмгөөлөгчид анхан шатны шүүхийн шийдвэрийг эс зөвшөөрч гомдол гаргав. Ялтны өмгөөлөгч 30,000,000 төгрөгийн үйлдлийг гэмт хэргийн бүрэлдэхүүнгүй гэж үзэн хэрэгсэхгүй болгуулах, хохирогчийн өмгөөлөгч 14,600,000 төгрөгийг хэрэгсэхгүй болгосон заалтыг хүлээн зөвшөөрөхгүй гэж маргав.

ҮНДЭСЛЭЛ: Давж заалдах шатны шүүх анхан шатны шүүхийн шийдвэр нь Эрүүгийн байцаан шийтгэх хуулийн шаардлагыг хангасан, хэргийн бодит байдлыг зөв тодорхойлсон, нотлох баримтад үндэслэсэн гэж үзэн, ялтан болон хохирогчийн өмгөөлөгчдийн гомдлыг хэрэгсэхгүй болгож, анхан шатны шүүхийн шийтгэх тогтоолыг хэвээр үлдээв.