Тогтоол №2030

ХЭРГИЙН ТАНИЛЦУУЛГА: Гэмт хэрэг үйлдсэн хэмээх үндэслэлээр Б.Ууганбаатар, Т.Гантулга, Г.Төмөрчөдөр нарт холбогдох хэргийг анхан шатны шүүх шийдвэрлэсэн. Ялтан Г.Төмөрчөдөр болон түүний өмгөөлөгч нар анхан шатны шүүхийн шийтгэх тогтоолыг эс зөвшөөрч давж заалдах гомдол гаргасан.

АНХАН ШАТ: Б.Ууганбаатар, Т.Гантулга, Г.Төмөрчөдөр нарыг давтан үйлдлээр, бүлэглэн, машин механизм хэрэглэж, орон байр, агуулах саванд нэвтэрч, бусдын эд хөрөнгийг хулгайлсны улмаас үлэмж хэмжээний хохирол учруулсан гэм буруутайд тооцож, Б.Ууганбаатар, Т.Гантулга нарыг 3 жил 6 сарын, Г.Төмөрчөдөрийг 2 жил 6 сарын хорих ялаар тус тус шийтгэсэн. Мөн гэмт хэрэг үйлдсэн машинаас 7,000,000 төгрөгийг улсын орлого болгож, бусад машиныг хулгайн улмаас хохирсон эзэмшигчдэд нь буцаан олгохоор шийдвэрлэсэн.

ДАВЖ ЗААЛДАХ ШАТ: Ялтан Г.Төмөрчөдөр нь өөрийн үйлдсэн гэмт хэргүүдийг нэгтгэн шийдвэрлүүлэх хүсэлтээ хангаагүй, мөрдөн байцаалт дутуу хийгдсэний улмаас хэргийн бодит байдлыг тогтоогоогүй хэмээн гомдол гаргасан. Өмгөөлөгч нь гэм бурууг ухамсарлаж, хохирол барагдуулсан, ар гэрийн байдлыг харгалзан үзэж хорихоос өөр төрлийн ял оногдуулахыг хүссэн. Прокурор анхан шатны шүүхийн шийтгэх тогтоолыг хууль зүйн үндэслэлтэй гэж үзэн хэвээр үлдээхийг санал болгосон.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзэхэд, хохирлын хэмжээ, эд зүйлийн нэр, үнэлгээг бодитой тогтоож, гэмт хэрэг үйлдсэн этгээдүүдийн өмчлөлийн эд хөрөнгийг тогтоох зэрэг мөрдөн байцаалтын ажиллагааг дутуу хийсэн нь тогтоогдож, анхан шатны шүүхийн шийтгэх тогтоол хууль ёсны болон үндэслэлтэй байх шаардлага хангагдаагүй байна. Мөн хэрэг бүртгэлт, мөрдөн байцаалтын шатанд Эрүүгийн байцаан шийтгэх хуулийг ноцтой зөрчсөн байдал ажиглагдсан тул хэргийг нэмэлт мөрдөн байцаалтад буцаахаар шийдвэрлэсэн.