Тогтоол №18843

ХЭРГИЙН ТАНИЛЦУУЛГА: Мал нийлүүлсэн, авсангүй гэх шалтгаанаар хэрүүл маргаан үүсгэн, бусдын эрүүл мэндэд хохирол учруулсан хэрэг. АНХАН ШАТ: Шүүгдэгч Ц.Б-г Эрүүгийн хуулийн 11.6 дугаар зүйлийн 1-д зааснаар хөнгөн хохирол учруулсан, Б.Г-г 11.4 дүгээр зүйлийн 1-д зааснаар хүндэвтэр хохирол учруулсан гэм буруутайд тооцож, Ц.Б-г 450,000 төгрөгөөр, Б.Г-г 550,000 төгрөгөөр торгох ял оногдуулж, хэсэгчлэн төлөхөөр тогтоожээ. ДАВЖ ЗААЛДАХ ШАТ: Шүүгдэгч Б.Г-ийн өмгөөлөгч нь Б.Г-ийн үйлдлийг Эрүүгийн хуулийн 11.4 дүгээр зүйлийн 1-д заасан гэмт хэргийн шинжийг хангаагүй, тулгарсан довтолгооны эсрэг хийсэн үйлдэл байх тул гэмт хэрэгт тооцохгүй байх, анхан шатны шийдвэрийг хянах ёстой гэж гомдол гаргасан.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзэж, анхан шатны шүүх нотлох баримтад үндэслэн зөв дүгнэлт хийсэн, нотлох баримт цуглуулах, бэхжүүлэх, үнэлэх шатанд хууль зөрчөөгүй гэж үзжээ. Шүүгдэгч Б.Г-ийн үйлдэл нь Эрүүгийн хуулийн 4.1 дүгээр зүйлийн 3-д зааснаар довтолгоо төгссөн хойно хийгдсэн тул аргагүй хамгаалалтын шинжгүй, хуульд заасан гэмт хэргийн обьектив болоод субьектив шинжийг хангасан тул өмгөөлөгчийн гомдлыг үндэслэлгүй гэж үзэж, анхан шатны шүүхийн шийтгэх тогтоолыг хэвээр үлдээжээ.