Тогтоол №17116

ХЭРГИЙН ТАНИЛЦУУЛГА: Архидан согтуурсан үедээ гар хийцийн сүхээр хохирогчийг толгойд нь цохиж, хүнд гэмтэл учруулсан хэргээр шүүгдэгч Н.Л-д холбогдох эрүүгийн хэргийг анхан шатны шүүхэд шилжүүлсэн. АНХАН ШАТ: Анхан шатны шүүх шүүгдэгч Н.Л-г Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4 дэх заалтад зааснаар хүний эрүүл мэндэд хүнд хохирол санаатай учруулсан, зэвсэг хэрэглэж үйлдсэн гэм буруутайд тооцож, 6 жилийн хугацаагаар хорих ялаар шийтгэж, учруулсан хохирлыг гаргуулахаар шийдвэрлэсэн. ДАВЖ ЗААЛДАХ ШАТ: Шүүгдэгчийн өмгөөлөгч ял хөнгөрүүлэх талаар давж заалдах гомдол гаргасан боловч шүүх хуралдаанаар хэргийг бүхэлд нь хянан үзэж, шүүгдэгчийн гэм буруу, үйлдсэн хэргийн шинж чанар, учирсан хохирлыг харгалзан үзээд анхан шатны шүүхийн шийтгэх тогтоолыг хэвээр үлдээж, гомдлыг хэрэгсэхгүй болгосон.

ҮНДЭСЛЭЛ: Шүүгдэгч нь гэм буруугаа хүлээн зөвшөөрсөн, гэмт хэргийн улмаас учруулсан хохирлоо барагдуулах талаар ярьж байсан боловч хохирлыг төлсөн баримт хэрэгт авагдаагүй, учирсан хохирлын хэмжээ, нийгмийн аюултай шинж чанар, хохирогчийн биед учирсан хүнд гэмтэл зэргийг харгалзан үзэхэд анхан шатны шүүхээс оногдуулсан ял нь тохирсон, шударга ёсны зарчимд нийцсэн байна. Анхан шатны шүүх нь Иргэний хуулийн зүйл заалтыг буруу дурдсан техникийн алдаа гаргасныг тогтоож, шүүгдэгчийн цагдан хоригдсон хугацааг ял эдлэх хугацаанд оруулан тооцсон.