Тогтоол №16546

ХЭРГИЙН ТАНИЛЦУУЛГА: Согтуу байдалтай үедээ үл ялих шалтгаанаар маргалдаж, хохирогчийн биед хүнд хохирол учруулсан гэмт хэрэгт холбогдсон этгээдтэй холбоотой эрүүгийн хэрэг. АНХАН ШАТ: Гэм буруутайд тооцож, Эрүүгийн хуулийн тусгай ангийн 11.1 дүгээр зүйлийн 1 дэх хэсэгт зааснаар 3 жил 6 сарын хорих ял оногдуулж, учирсан хохирлыг иргэний журмаар нэхэмжлэх эрхийг нээлттэй үлдээсэн. ДАВЖ ЗААЛДАХ ШАТ: Өмгөөлөгч нь шүүгдэгчийн гэм бурууг хүлээн зөвшөөрсөн, хохирлоо нөхөн төлсөн, хохирогчийн буруутай үйлдэл нөлөөлсөн, хувийн байдлыг харгалзан ялыг хөнгөрүүлэх ёстой гэж үзэж, Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.3-т заасныг хэрэглэн ялыг 1 жил болгох саналтай давж заалдсан. ҮНДЭСЛЭЛ: Хуульд заасан гэм буруугийн хэлбэр, хэргийн нөхцөл байдал, учруулсан хохирлын хэмжээ, хувийн байдлыг харгалзан шүүгдэгчид оногдуулсан ял нь хууль зүйн үндэслэлтэй, эрүүгийн хариуцлагын зорилгыг хангасан байна. Гэм буруугаа хүлээн зөвшөөрч, хохирлоо нөхөн төлсөн тохиолдолд ялыг хөнгөрүүлэх боломжтой гэсэн зохицуулалтыг хэрэглэх шаардлагагүй гэж үзсэн. Анхан шатны шүүхийн шийтгэх тогтоолыг хэвээр үлдээж, давж заалдах гомдлыг хэрэгсэхгүй болгосон.