Тогтоол №15818

ХЭРГИЙН ТАНИЛЦУУЛГА: Бүлэглэн улсын тусгай хамгаалалттай газарт ховор амьтны эвэр тээвэрлэж, хохирол учруулсан гэмт хэрэгт холбогдсон яллагдагч нарт холбогдох хэргийг анхан шатны шүүх прокурорт буцаасан нь хууль ёсны эсэх маргаантай байдал. АНХАН ШАТ: Яллагдагч нарт холбогдох хэргийг Эрүүгийн хуулийн тусгай ангийн 24.5 дугаар зүйлийн 1 дэх хэсэгт зааснаар яллах дүгнэлт үйлдэн ирүүлсэн боловч, мөрдөн шалгах ажиллагааг бүрэн гүйцэтгээгүй, хуулийг ноцтой зөрчсөн үндэслэлээр хэргийг прокурорт буцаасан. ДАВЖ ЗААЛДАХ ШАТ: Прокурор анхан шатны шүүхийн шийдвэрийг эсэргүүцэж, хийгдвэл зохих ажиллагааг хийж гүйцэтгэсэн гэж үзэн хэргийг дахин хэлэлцүүлэхээр эсэргүүцэл гаргасан. Шүүгдэгч нарын өмгөөлөгч анхан шатны шүүхийн шийдвэрийг дэмжин, хэргийг прокурорт буцаасан нь үндэслэлтэй гэж үзсэн.

ҮНДЭСЛЭЛ: Давж заалдах шатны шүүх анхан шатны шүүхийн шийдвэр нь хууль ёсны бөгөөд үндэслэлтэй гэж үзэж, прокурорын эсэргүүцлийг хэрэгсэхгүй болгосон. Анхан шатны шүүх нь олон удаагийн тогтоол, захирамжаар тодорхой мөрдөн шалгах ажиллагаа хийлгэхээр прокурорт буцаасан боловч, прокурор, мөрдөгч нар шаардлагатай ажиллагааг хийж гүйцэтгээгүй, хэргийн бодит байдлыг тогтоож чадаагүй байсан нь тогтоогдсон. Эрүүгийн хэрэг хянан шийдвэрлэх тухай хуулийн дагуу мөрдөн шалгах ажиллагааны явцад гэмт хэргийн болон хохирлыг бүрэн тогтоож чадаагүй нь тогтоогдсон.