Тогтоол №15809

ХЭРГИЙН ТАНИЛЦУУЛГА: Замын хөдөлгөөний дүрмийг зөрчиж, зам тээврийн осол гаргасны улмаас бусдын эрүүл мэнд, эд хөрөнгөд хохирол учруулсан гэмт хэрэгт холбогдсон этгээдийн хэргийг хянан хэлэлцсэн.

АНХАН ШАТ: Шүүгдэгчийг зам тээврийн хөдөлгөөний аюулгүй байдлын тухай хууль, холбогдох актыг зөрчсөний улмаас их хэмжээний хохирол учруулсан гэм буруутайд тооцож, Эрүүгийн хуулийн холбогдох зүйл, заалтуудыг баримтлан ялыг өршөөн хэлтрүүлж, иргэний нэхэмжлэлийг хангаж шийдвэрлэсэн.

ДАВЖ ЗААЛДАХ ШАТ: Шүүгдэгч болон иргэний хариуцагчийн өмгөөлөгч нар анхан шатны шүүхийн шийдвэрийг эс зөвшөөрч, зам тээврийн ослын улмаас учруулсан хохирол нь Эрүүгийн хуулийн холбогдох зүйл, хэсэгт заасан гэмт хэргийн шинжийг бүрдүүлэхгүй гэж маргасан.

ҮНДЭСЛЭЛ: Эрүүгийн хуулийн тусгай ангийн 27.10 дугаар зүйлд заасан гэмт хэрэг нь зөвхөн хүний эрүүл мэндэд хүндэвтэр хохирол учруулсан тохиолдолд л хамаарна. Хөнгөн хохирол, эд хөрөнгийн хохирол нь дангаараа уг гэмт хэргийн бүрэлдэхүүнийг хангадаггүй. Шүүгдэгчийн үйлдсэн зам тээврийн ослоос учирсан хохирол нь Эрүүгийн хуульд заасан гэмт хэргийн шинжийг бүрдүүлэхгүй тул хэргийг хэрэгсэхгүй болгон цагаатгаж, иргэний нэхэмжлэлийг хэлэлцэхгүй орхихоор шийдвэрлэсэн.