Тогтоол №6024

ХЭРГИЙН ТАНИЛЦУУЛГА: Эрүүгийн хуулийн 27.10 дугаар зүйлийг зөрчсөн гэм буруутайд тооцсон анхан шатны шүүхийн шийтгэх тогтоолыг эс зөвшөөрч, өмгөөлөгч давж заалдах гомдол гаргав. АНХАН ШАТ: Шүүгдэгчийг зам тээврийн хэрэгслийн хөдөлгөөний аюулгүй байдлын тухай хуулийг зөрчиж, хүний эрүүл мэндэд хүндэвтэр, хүнд хохирол учруулсан гэм буруутайд тооцож, 500,000 төгрөгөөр торгох, тээврийн хэрэгсэл жолоодох эрхийг 1 жилээр хасч, 1 жилийн хугацаагаар тэнсэж, хуулийн 27.10-р зүйлийн 1 ба 2.3-р хэсгүүдээр ял оногдуулсан. ДАВЖ ЗААЛДАХ ШАТ: Өмгөөлөгч шүүхээс нэг үйлдлээр хоёр зүйл хэсэгт заасан ял шийтгэл оногдуулсан нь Эрүүгийн хуулийн ерөнхий ангийн 6.8-р зүйлийг зөрчсөн, хуулийн 27.10-р зүйлийн 1-д заасан ялыг хэрэгсэхгүй болгохыг хүсэв. Прокурор анхан шатны шүүхийн шийтгэх тогтоолыг хэвээр үлдээхийг хүссэн.

ҮНДЭСЛЭЛ: Шүүгдэгчийг үйлдсэн хэргийн улмаас хүндрүүлэх бүрэлдэхүүн буюу Эрүүгийн хуулийн 27.10-р зүйлийн 2.3-т заасан гэмт хэрэгт ял шийтгэл оногдуулсан нь үндэслэлтэй. Гэвч хуулийн 27.10-р зүйлийн 1-д заасан гэмт хэргийг үйлдсэнийг тогтоохдоо ерөнхий ангийн 2.2-р зүйлийн 4-р хэсгийг буруу тайлбарлаж, шүүгдэгчийн эрх зүйн байдлыг дордуулан хоёр төрлийн ял оногдуулсан тул анхан шатны шүүхийн шийтгэх тогтоолын зарим хэсгийг өөрчилж, шүүгдэгчийн эрх зүйн байдлыг дордуулахааргүйгээр тэнссэн хугацаанд үүрэг хүлээлгэх албадлагын арга хэмжээ авлаа.