Тогтоол №16662

ХЭРГИЙН ТАНИЛЦУУЛГА: Жолооч Г.Д нь замын хөдөлгөөний дүрмийг зөрчин, эсрэг урсгал сөрж хөдөлсөнөөс хохирогч Н.Г-ын тээврийн хэрэгслийг мөргөж, түүний биед хүндэвтэр хохирол учруулсан хэрэг. АНХАН ШАТ: Шүүгдэгч Г.Д-г гэм буруутайд тооцон, тээврийн хэрэгсэл жолоодох эрхийг 1 жил, зорчих эрхийг 7 сараар хязгаарлах ял оногдуулж, Иргэний хуулийн дагуу учирсан хохирлыг барагдуулах шийдвэр гаргасан. ДАВЖ ЗААЛДАХ ШАТ: Хохирогч Н.Г болон шүүгдэгч Г.Д-ийн өмгөөлөгч нар анхан шатны шүүхийн шийдвэрт гомдол гаргасан. Хохирогч нь тээврийн хэрэгслийн хохирлыг бүрэн төлүүлэхийг, өмгөөлөгч нь ялыг хөнгөрүүлэхийг хүссэн.

ҮНДЭСЛЭЛ: Давж заалдах шатны шүүх нь хэргийн бодит байдлыг тогтоож, хуулийг зөв хэрэглэсэн эсэхийг хянаад, анхан шатны шүүхийн шийдвэр тогтоох хэсгийн 3 дахь заалтад өөрчлөлт оруулж, шүүгдэгчийн зорчих эрхийг хязгаарлах заалтыг тодруулан шийдвэрлэсэн. Гэм буруутай үйлдлээс үүссэн эд хөрөнгийн хохирлыг барагдуулахдаа баримтгүй нэхэмжлэлийг хэрэгсэхгүй болгосон нь үндэслэлтэй гэж үзсэн.