Тогтоол №15095

ХЭРГИЙН ТАНИЛЦУУЛГА: Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1 дэх заалтад заасан хулгайлах гэмт хэрэгт холбогдсон этгээдтэй холбоотой хэрэг. АНХАН ШАТ: Эрүүгийн хуулийн ерөнхий ангийн 2.8 дугаар зүйлийн 1, 2 дахь хэсэг болон тусгай ангийн 17.1 дүгээр зүйлийн 2 дахь хэсгийн 2.1 дэх заалтыг баримтлан, гэмт хэргийг үйлдэхээр завдсан гэм буруутайд тооцож, 360 цаг нийтэд тустай ажил хийлгэх ял оногдуулсан. ДАВЖ ЗААЛДАХ ШАТ: Прокурор анхан шатны шүүхийн ял оногдуулсан байдал нь Эрүүгийн хуулийг буруу хэрэглэсэн, ял оногдуулахдаа хуульд байхгүй төрлийн ял оногдуулсан, мөн гэмт хэргийг төгсөөгүй байхад төгсөөд тооцсон нь хэргийн бодит байдалтай нийцээгүй хэмээн эсэргүүцэл бичсэн. ҮНДЭСЛЭЛ: Анхан шатны шүүх нь гэмт хэргийг үйлдсэн байдлыг буруу үнэлж, Эрүүгийн хуулийн тусгай ангид зааснаас өөр төрлийн ял оногдуулсан тул шийтгэх тогтоолыг хүчингүй болгож, хэргийг анхан шатны шүүхээр дахин хэлэлцүүлэхээр буцаасан.