Тогтоол №14520

ХЭРГИЙН ТАНИЛЦУУЛГА: Шүүгдэгчийг бусдын олон тооны мал хулгайлсан гэмт хэрэгт холбогдуулан яллах дүгнэлт үйлдсэнийг анхан шатны шүүх өөрчилж, Эрүүгийн хуулийг буруу хэрэглэсэн нь гол маргаан болсон. АНХАН ШАТ: Шүүгдэгчийг Эрүүгийн хуулийн тусгай ангийн 17.12 дугаар зүйлийн 1-д зааснаар мал хулгайлсан гэмт хэрэг үйлдсэнд тооцож, нэг жилийн хорих ял оногдуулсан. ДАВЖ ЗААЛДАХ ШАТ: Өмгөөлөгч нь хөнгөн гэмт хэрэгт тооцсон атлаа хүндрүүлэх нөхцөл байдлаар ял оногдуулсан, хуулийг буруу хэрэглэсэн гэж гомдол гаргасан. Прокурор нь шүүхийн шийдвэрийг хүчингүй болгуулахаар эсэргүүцэл гаргасан. Давж заалдах шатны шүүх анхан шатны шүүхийн шийдвэрийг Эрүүгийн хуулийг буруу хэрэглэсэн гэх үндэслэлээр хүчингүй болгож, хэргийг дахин хэлэлцүүлэхээр анхан шатны шүүхэд буцаасан.

ҮНДЭСЛЭЛ: Эрүүгийн хуулийн ерөнхий ангийн 2.2 дугаар зүйлийн 3-т заасны дагуу шүүгдэгчийн хоёр удаагийн үйлдлээр нийт 11 тооны адуу хулгайлсан нь "олон тооны мал хулгайлах" гэмт хэрэгт хамаарна. Иймд Эрүүгийн хуулийн тусгай ангийн 17.12 дугаар зүйлийн 2-т зааснаар яллах дүгнэлт үйлдсэн нь үндэслэлтэй гэж үзэж, анхан шатны шүүхийн шийдвэрийг хүчингүй болгосон.