Тогтоол №13155

ХЭРГИЙН ТАНИЛЦУУЛГА: Авто тээврийн хэрэгслийн хөдөлгөөний аюулгүй байдлын тухай хуулийг зөрчиж, хүний эрүүл мэндэд хүндэвтэр хохирол учруулсан хэрэг. АНХАН ШАТ: Эрүүгийн хуулийн тусгай ангийн 27.10 дугаар зүйлийн 1 дэх хэсэгт зааснаар ялтайд тооцож, 500 нэгжтэй тэнцэх хэмжээний буюу 500,000 төгрөгөөр торгох ял оногдуулж, 2021 оны Өршөөл үзүүлэх тухай хуулийн 4 дүгээр зүйлийн 4.1, 4.2-т заасныг баримтлан оногдуулсан ялаас бүхэлд нь өршөөн хэлтрүүлэн хэргийг хэрэгсэхгүй болгожээ. ДАВЖ ЗААЛДАХ ШАТ: Прокурорын эсэргүүцэлд анхан шатны шүүх Өршөөл үзүүлэх тухай хуулийг буруу тайлбарлан хэрэглэсэн гэж үзэж, шүүгдэгчийг Эрүүгийн хуулийн тусгай ангийн 27.10 дугаар зүйлийн 1 дэх хэсэгт зааснаар өршөөн хэрэгсэхгүй болгох өөрчлөлт оруулахыг шаарджээ. Давж заалдах шатны шүүх прокурорын эсэргүүцлийг хангаж, анхан шатны шүүхийн шийдвэрт өөрчлөлт оруулжээ.

ҮНДЭСЛЭЛ: Шүүгдэгч нь авто тээврийн хэрэгслийн хөдөлгөөний аюулгүй байдлын тухай хууль, түүнд нийцүүлэн гаргасан захиргааны хэм хэмжээний актыг зөрчсөн нь нотлогдсон. Анхан шатны шүүх Өршөөл үзүүлэх тухай хуулийн 4 дүгээр зүйлийг буруу хэрэглэсэн бөгөөд 5 дугаар зүйлийн 5.1, 12 дугаар зүйлийн 12.8 дахь хэсгийг хэрэглэх байжээ. Иймд давж заалдах шатны шүүх анхан шатны шүүхийн тогтоолын зарим хэсгийг хүчингүй болгож, өөрчлөн, Эрүүгийн хуулийн тусгай ангийн 27.10 дугаар зүйлийн 1 дэх хэсэгт заасан хэргийг Өршөөл үзүүлэх тухай хуулийн 5 дугаар зүйлийн 5.1, 12 дугаар зүйлийн 12.8 дахь хэсэгт заасны дагуу өршөөн хэрэгсэхгүй болгож шийдвэрлэсэн. Мөн шүүхийн шийдвэрийг гардуулах журмыг зөрчсөн байдал тогтоогджээ.