Тогтоол №12280

ХЭРГИЙН ТАНИЛЦУУЛГА: Тээврийн хэрэгслийг согтуурсан үедээ жолоодож, явган зорчигчийн эрүүл мэндэд хүнд хохирол учруулсан, хэргийн газраас зугтаасан хэрэг. АНХАН ШАТ: Гэм буруутайд тооцож, тээврийн хэрэгсэл жолоодох эрхийг 3 жил хасаж, 1 жил 6 сарын хорих ял, 5 сарын зорчих эрхийг хязгаарлах ял оногдуулж, нийт эдлэх ялыг 1 жил 11 сар болгон тогтоосон. ДАВЖ ЗААЛДАХ ШАТ: Анхан шатны шүүхийн шийтгэх тогтоолд өөрчлөлт оруулах, ялыг хөнгөрүүлэхийг хүссэн шүүгдэгчийн өмгөөлөгчийн гомдлыг хэрэгсэхгүй болгов. Хэрэгт хамтран оролцсон этгээдийг яллагдагчаар татаагүй, холбогдох хуулийг хэрэглээгүй гэсэн хохирогчийн өмгөөлөгчийн гомдлыг үндэслэлгүй гэж үзэн хэрэгсэхгүй болгосон.

ҮНДЭСЛЭЛ: Гэм бурууг тогтоосон анхан шатны шүүхийн дүгнэлт, нотлох баримтууд нь хууль зүйн үндэслэлтэй байна. Гэм буруугаа хүлээсэн этгээдэд ял хөнгөрүүлэх эсэх нь шүүхийн эрх хэмжээний асуудал. Явган зорчигчийн эрүүл мэндэд учирсан хохирлын шалтгаант холбоо нь зам тээврийн ослоос үүдэлтэй бөгөөд хамтран зорчигчийг тусламжгүй орхиж явсан үйлдлийн улмаас нэмэлт хохирол учирсан нь тогтоогдоогүй тул түүнийг гэмт хэрэгт тооцохгүй, прокурорт буцаах үндэслэлгүй.