Тогтоол №11877

ХЭРГИЙН ТАНИЛЦУУЛГА: Автотээврийн хэрэгслийн жолооч буюу Г.Б нь явган зорчигч буюу Х.Н-ыг мөргөж хүндэвтэр хохирол учруулсан хэрэг.

АНХАН ШАТ: Г.Б-ыг зам тээврийн хөдөлгөөний аюулгүй байдлын тухай хууль, зааврыг зөрчсөн үйлдлээрээ явган зорчигчид хүндэвтэр хохирол учруулсан гэм буруутайд тооцсон. Эрүүгийн хуулийн 27.10 дугаар зүйлийн 1 дэх хэсэгт зааснаар 550,000 төгрөгөөр торгох ял оногдуулж, төлбөрийг 3 сар дотор хэсэгчлэн төлүүлэхээр шийдвэрлэжээ. Мөн хохирогчийн эмчилгээний зардалд 1,893,475 төгрөгийг гаргуулан олгосон.

ДАВЖ ЗААЛДАХ ШАТ: Хохирогчийн хууль ёсны төлөөлөгч анхан шатны шүүхийн шийдвэрийг эс зөвшөөрч, шүүхээс хэргийг бүрэн гүйцэд, шударгаар шийдвэрлээгүй, шинжээчийн дүгнэлтийг зөрчсөн, хэргийн бодит байдлыг тогтоогоогүй гэх үндэслэлээр гомдол гаргасан. Шүүгдэгчийн өмгөөлөгч анхан шатны шүүхийн шийдвэрийг хэвээр үлдээхийг санал болгосон. Прокурор хэргийн бүрдлийг хангасан, хурдан шийдвэрлэхээр хуульд заасан, оролцогчдын эрхийг зөрчөөгүй, анхан шатны шүүхийн шийдвэр хууль ёсны бөгөөд үндэслэлтэй гэж дүгнэсэн.

ҮНДЭСЛЭЛ: Давж заалдах шатны шүүхээс хэргийг бүхэлд нь хянан үзэхэд, мөрдөн шалгах ажиллагааны явцад Эрүүгийн хэрэг хянан шийдвэрлэх тухай хуулийг ноцтой зөрчсөн, хэргийн бодит байдлыг тогтооход шаардлагатай эд зүйл, баримт бичиг, мэдээлэл, бусад баримт, санал, хүсэлт гаргах эрхийг хохирогч болон хууль ёсны төлөөлөгч нарт нь эдлүүлээгүй нь тэдний эрхийг хязгаарласан гэж үзсэн. Энэхүү алдааг зөвтгөх боломжгүй тул анхан шатны шүүхийн шийтгэх тогтоолыг хүчингүй болгож, хэргийг нэмэлт мөрдөн шалгах ажиллагаа хийлгэхээр прокурорт буцаасан.