Тогтоол №11569

ХЭРГИЙН ТАНИЛЦУУЛГА: Тээврийн хэрэгсэл жолоодож явахдаа явган зорчигчийг мөргөж, учруулсан хохирлын улмаас хүний эрүүл мэндэд хүндэвтэр хохирол учирч, эд хөрөнгийн хохирол учирсан хэрэг. АНХАН ШАТ: Шүүгдэгчийг Автотээврийн хэрэгслийн жолооч хөдөлгөөний аюулгүй байдлын тухай хууль, түүнд нийцүүлэн гаргасан захиргааны хэм хэмжээний актыг зөрчсөний улмаас хүний эрүүл мэндэд хүндэвтэр хохирол учруулсан гэмт хэргийг согтуурсан үедээ үйлдсэн гэм буруутайд тооцож, тээврийн хэрэгсэл жолоодох эрхийг 1 жил хасч, 8 сар хорих ялаар шийтгэж, 1.785.000 төгрөгийг гаргуулж иргэний нэхэмжлэгч Д.Ганбатад олгохоор шийдвэрлэсэн. ДАВЖ ЗААЛДАХ ШАТ: Хохирогч, шүүгдэгч, өмгөөлөгч нар ял хөнгөдсөн, шинжээчийн дүгнэлтийг хүлээн зөвшөөрөхгүй байгаа, гэмтлийн зэргийг тогтооход хөндлөнгийн нөлөөлөл байсан зэрэг үндэслэлээр гомдол гаргасан.

ҮНДЭСЛЭЛ: Анхан шатны шүүхийн шийтгэх тогтоол нь Эрүүгийн хэрэг хянан шийдвэрлэх тухай хуулийн шаардлагыг хангасан, гэм бурууг тогтоосон нь бодит байдалтай нийцсэн, оногдуулсан ял нь гэм буруутай эзэндээ тохирсон, эрүүгийн хариуцлагын зорилгыг хангасан, хууль ёсны бөгөөд шударга ёсны зарчимд нийцсэн байна. Шинжээчийн дүгнэлтүүд хоорондоо зөрчилдөж байгаа талаарх шүүгдэгч, өмгөөлөгчийн гаргасан үндэслэл нь нотлох баримтуудаар хангалттай баталгаажаагүй тул нэмэлт, дахин шинжилгээ хийлгэх үндэслэлгүй байна. Хохирогчийн санал болгосон зарим зөрчлүүд нь баримтаар тогтоогдоогүй. Хохирлын хэмжээг тогтоохдоо хохирогчоос гаргасан баримтын хэмжээнд тооцож, үлдсэн хохирлыг иргэний журмаар нэхэмжлэх эрхтэйг дурдсан нь хуульд нийцсэн. Анхан шатны шүүхийн шийтгэх тогтоолыг хэвээр үлдээж, давж заалдах гомдлуудыг хэрэгсэхгүй болгожээ.