Тогтоол №10947

ХЭРГИЙН ТАНИЛЦУУЛГА: Эрүүгийн хуулийн 11.1 дүгээр зүйлийн 2.3 дахь хэсэгт заасан хүний эрүүл мэндэд хүнд хохирол учруулах гэмт хэрэг үйлдсэн гэм буруутайд тооцсон анхан шатны шүүхийн шийтгэх тогтоолыг эс зөвшөөрч шүүгдэгч болон түүний өмгөөлөгч давж заалдах гомдол гаргасан. АНХАН ШАТ: Шүүгдэгчийг хүний эрүүл мэндэд хүнд хохирол санаатай учруулсан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 11.1 дүгээр зүйлийн 2.3 дахь заалтад зааснаар 5 жилийн хорих ял шийтгэж, өмнөх хэргээр оногдуулсан эдлээгүй үлдсэн ялыг нэмж нэгтгэн нийт 7 жил 8 сар 29 хоногийн хорих ялаар шийтгэн, нээлттэй хорих байгууллагад эдлүүлэхээр тогтоосон. ДАВЖ ЗААЛДАХ ШАТ: Шүүгдэгч болон түүний өмгөөлөгч нь ар гэрийн байдал, болон үйлдсэн хэргүүдийг нэгтгэн хэлэлцүүлэх шаардлагатай гэж үзсэн боловч прокурор болон давж заалдах шатны шүүх тус тусад нь үйлдсэн гэмт хэргүүдийг нэгтгэхгүй, анхан шатны шүүхийн шийтгэх тогтоол хууль ёсны бөгөөд үндэслэлтэй гэж дүгнэн, давж заалдах гомдлыг хэрэгсэхгүй болгосон. ҮНДЭСЛЭЛ: Шүүгдэгчийн үйлдсэн гэмт хэрэг нь Эрүүгийн хуулийн тусгай ангийн 11.1 дүгээр зүйлийн 2.3 дахь заалтад заасан хүний эрүүл мэндэд хүнд хохирол учруулах гэмт хэргийн шинжийг хангаж байгаа, мөн өмнө нь үйлдсэн гэмт хэргийн ялыг эдлэхээс өмнө дахин гэмт хэрэг үйлдсэн тул Эрүүгийн хуулийн ерөнхий ангийн 6.9 дүгээр зүйлийн 1 дэх хэсэгт заасны дагуу өмнөх ялыг нэмж нэгтгэн шийтгэх нь хуульд нийцсэн байна. Эрүүгийн хуулийг буруу хэрэглэсэн, эсхүл ноцтой зөрчил тогтоогдоогүй тул анхан шатны шүүхийн шийтгэх тогтоолыг хэвээр үлдээсэн.