Тогтоол №10176

ХЭРГИЙН ТАНИЛЦУУЛГА: Шүүгдэгч нь мансууруулах бодис хадгалсан хэргээр яллагдаж, анхан шатны шүүхээс тэнссэн ял авсан. Прокурор нь гэмт хэргийн нийгмийн аюул, хэр хэмжээг харгалзалгүйгээр тэнссэн ял оногдуулсан нь Эрүүгийн хуулийн шударга ёсны зарчимд нийцээгүй, мөн тогтоолд техникийн алдаа байгааг үндэслэн эсэргүүцэл бичсэн.

АНХАН ШАТ: Шүүгдэгчийг мансуулруулах бодис худалдаалах зорилгогүйгээр хууль бусаар хадгалсан гэм буруутайд тооцож, Эрүүгийн хуулийн тусгай ангийн 20.7 дугаар зүйлийн 1 дэх хэсэгт зааснаар хорих ял оногдуулахгүйгээр 2 жилийн хугацаагаар тэнсэж, зан үйлээ засах сургалтанд хамрагдах, согтууруулах ундаа, мансууруулах бодис хэрэглэхийг хориглох хязгаарлалт тогтоож шийдвэрлэсэн.

ДАВЖ ЗААЛДАХ ШАТ: Прокурор нь анхан шатны шүүхийн шийдвэрийг гэмт хэргийн нийгмийн аюул, хэр хэмжээг бодитой үнэлэлт дүгнэлт хийгээгүй, мөн тогтоолд техникийн алдаа байгаа гэх үндэслэлээр эсэргүүцэл гаргасан. Шүүгдэгчийн өмгөөлөгч нь шүүгдэгч гэм буруугаа хүлээн зөвшөөрсөн, урьд ял шийтгэлгүй, анх удаа хөнгөн гэмт хэрэг үйлдсэн зэргийг харгалзан үзэж тэнссэн ял оногдуулсан нь шударга ёсны зарчимд нийцэж байгааг тайлбарласан.

ҮНДЭСЛЭЛ: Давж заалдах шатны шүүх нь Эрүүгийн хуулийн ерөнхий ангийн 1.3 дугаар зүйлд заасан шударга ёсны зарчмын үүднээс гэмт хэргийн нийгмийн аюулын шинж чанар, хэр хэмжээг зайлшгүй харгалзан үзэх шаардлагатай гэж үзсэн. Анхан шатны шүүх нь мансуулах бодис хадгалсан хэргийн нийгмийн аюулын шинж чанар, хэр хэмжээг бодитой үнэлж, дүгнээгүйгээс болж прокурорын эсэргүүцлийг хүлээн авч, анхан шатны шүүхийн шийтгэх тогтоолыг хүчингүй болгон, хэргийг дахин хэлэлцүүлэхээр буцааж, шүүгдэгчид урьд авсан таслан сэргийлэх арга хэмжээг хэвээр үргэлжлүүлэхээр шийдвэрлэсэн.