ХЭРГИЙН ТАНИЛЦУУЛГА: Шүүгдэгч нь согтууруулах ундааны зүйл хэрэглэсэн үедээ төрсөн дүүгээ толгой тус газар нь аягаар цохиж, хагарсан аягаар зүсч, эрүүл мэндэд нь хөнгөн хохирол учруулсан. АНХАН ШАТ: Шүүгдэгч нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан "Хүний эрүүл мэндэд хөнгөн хохирол санаатай учруулах" гэмт хэргийг үйлдсэн гэм буруутайд тооцож, 500 нэгжтэй тэнцэх хэмжээний буюу 500,000 төгрөгөөр торгох ял оногдуулсан.
ҮНДЭСЛЭЛ: Гэм бурууг нотлохын тулд хохирогч, гэрчийн мэдүүлэг, шинжээчийн дүгнэлт, шүүгдэгчийн өөрийн мэдүүлэг зэрэг нотлох баримтуудыг хангалттай гэж үзсэн. Шүүгдэгч анх удаа гэмт хэрэг үйлдсэн, эвлэрсэн зэргийг харгалзан үзсэн.