ХЭРГИЙН ТАНИЛЦУУЛГА: Шүүгдэгч нь согтууруулах ундааны зүйл хэрэглэсэн үедээ төрсөн дүүгээ хоолны халбагаар цохиж, эрүүл мэндэд нь хөнгөн хохирол санаатай учруулсан хэрэгт холбогджээ. Шүүгдэгч гэм буруугаа хүлээн зөвшөөрсөн. АНХАН ШАТ: Шүүгдэгч Б-г хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 450,000 төгрөгөөр торгох ял оногдуулж, 5 сарын дотор хэсэгчлэн төлүүлэхээр шийдвэрлэв.
ҮНДЭСЛЭЛ: Шүүгдэгч Б-гийн үйлдэл нь хүний эрүүл мэндэд хөнгөн хохирол учруулах гэмт хэргийн шинжийг бүрэн хангасан. Хохирогчтой эвлэрсэн, учруулсан хохирол хөнгөн зэргийнх болох нь тогтоогдож, хариуцлагыг хөнгөрүүлэх нөхцөл байдлуудыг харгалзан үзсэн.