ХЭРГИЙН ТАНИЛЦУУЛГА: Шүүгдэгч нь архи ууж байх үедээ өөрийн ах руугаа архины шилээр цохиж хөнгөн хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэм буруутайд тооцож, 450,000 төгрөгөөр торгох ял оногдуулж, гурван сарын хугацаанд хэсэгчлэн төлүүлэхээр шийдвэрлэв.
ҮНДЭСЛЭЛ: Хохирогч, гэрчийн мэдүүлэг, шинжээчийн дүгнэлт, шүүгдэгчийн мэдүүлэг зэрэг нотлох баримтуудаар шүүгдэгчийн гэм буруу нотлогдсон. Гэмт хэргийн шинж чанар, хэмжээ, шүүгдэгчийн хувийн байдал, хөнгөрүүлэх, хүндрүүлэх нөхцөл байдлыг харгалзан торгох ял оногдуулсан.