Бусад эрх зүй · 2.10Д.Б нар шүүх дэх эвлэрүүлэн зуучлагчийн тусламжтайгаар мөнгөн төлбөрийн маргаанаа шийдвэрлэж, эвлэрлийн гэрээ байгуулсан байна. Тэдний эвлэрэл нь Эвлэрүүлэн зуучлалын тухай хуулийн 26.4-т “Эвлэрүүлэн зуучлах ажиллагааны үр дүнд хийгдсэн эвлэрлийн гэрээ Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байна” гэснийг зөрчөөгүй боловч мөн хуулийн 20 дугаар зүйлд зааснаар эвлэрүүлэн зуучлах ажиллагааг 60 хоногийн дотор явуулах хугацааг 5 хоногоор хэтрүүлж гэрээ байгуулагджээ. Энэ тухай талууд санал зөрөөгүй тухай эвлэрүүлэн зуучлагч тэмдэглэл үйлджээ. Эвлэрүүлэн зуучлагчийн дэмжлэгтэйгээр байгуулсан дээрх эвлэрлийн гэрээ хуульд заасан хугацааг хэтрүүлсэн нь шүүгч гэрээг баталгаажуулах захирамж гаргахаас татгалзах үндэслэл болох уу?