Ангилаагүй“Т” ХХК татан буугдсан бөгөөд компани нь татан буугдах замаар үйл ажиллагаагаа дуусгавар болгосон тухай бүртгэх байгууллагад мэдэгдээгүйн улмаас “Т” ХХК-ний нэг ажилтан компанийн нэрээр бусдаас их хэмжээний мөнгө залилжээ. Цагдаагийн байгууллага “Т” ХХК-ний захирлыг бүртгэх байгууллагад татан буугдсан тухайгаа мэдэгдээгүй гэх үндэслэлээр буруутгажээ. Доорх субьектүүдийн аль нь бүртгэх байгууллагад мэдэгдэх үүрэгтэй вэ?
АнгилаагүйХуульд заасан тодорхой цагийн хөдөлмөр эрхэлдэг, мөн өөрийн гэсэн гэр ахуйтай, нэн ялангуяа ганц бие эмэгтэйчүүдэд гэрийн аж ахуй эрхлэх чөлөөтэй өдрүүдийг байх боломжийг зарим улсад хуулиар олгосон байна. Гэтэл энэ боломж эмэгтэйчүүдтэй адил нөхцөлд байгаа эрэгтэйчүүдэд олгогдоогүй аж. Шүүх аливаа маргааныг шийдвэрлэхдээ хуульд заасан дээрх нөхцөлийн удирдлага болгож ирсэн байна. Энэ нь Үндсэн хуульд заасан, эрэгтэй, эмэгтэй тэгш эрхтэй гэсэн заалтыг зөрчих үү?
АнгилаагүйГазрын тухай хуулийн 40.1.6 дахь заалтын дагуу хүндэтгэн үзэх шалтгаангүйгээр гэрээнд заасан зориулалтын дагуу тухайн газраа 2 жил дараалан ашиглаагүйн улмаас газар эзэмших гэрчилгээг хүчингүй болгохдоо уг гэрчилгээг эзэмшигчид урьдчилан мэдэгдэл хүргүүлнэ гэж заажээ. Энэ зохицуулалт нь аль зарчмын илэрхийлэл вэ?
АнгилаагүйЛ нь эхнэр О-д 2024 оны 08 дугаар сарын 31, 2024 оны 09 дүгээр сарын 21, 2024 оны 10 дугаар сарын 10-ны өдрүүдэд тус тус агсам тавьж, хүсэл зоригийнх нь эсрэг тодорхой үйлдэл хийх, хийхгүй байхыг албадан зөрчил үйлдэж, шийтгэл хүлээсэн атлаа 2024 оны 12 дугаар сарын 01-ний өдөр эхнэр О-д агсам тавьж, зодсон зөрчил үйлдсэн байх тул мөрдөн шалгах ажиллагаа явуулж, Л-д гэр бүлийн хүчирхийлэл үйлдсэн гэмт хэрэгт прокуророос яллах дүгнэлт үйлджээ. Хууль зүйн дүгнэлт хийнэ үү?
АнгилаагүйЗахиргааны шийдвэр гаргах ажиллагааны явцад явагддаг “Сонсох ажиллагаа” -нд хамаарах ойлголт аль нь вэ?
АнгилаагүйА нь газраас Б-гийн хаясан чинээ виза картыг олж улмаар тухайн картын чипийг ашиглан хүнсний дэлгүүрийн пос машинд уншуулан 4.000-5.000 төгрөгийн 40 удаагийн гүйлгээгээр 500.000 төгрөгийн бараа авчээ. А-гийн үйлдэл нь гэмт хэрэг эсхүл бусад зөрчлийн аль шинжийг хангах вэ?
АнгилаагүйГэрээний зүйлийг эзэмшиж ашиг олох, аж ахуйн үйл ажиллагаа болон дүрэмд заасан зорилгоо биелүүлэхийн тулд ашигладаг нь ямар гэрээний онцлог шинж вэ?
АнгилаагүйИргэн З нь эрэгтэй бөгөөд 2024 оны 04 дүгээр сард ахуйн ослын улмаас бэртэж хөдөлмөрийн чадвар алдалтаа 75% алдсан болох нь тогтоогдсон. Тэрээр 30 настай. Тэрээр 4 жил нийгмийн даатгалын шимтгэл төл ажиллаад ахуйн осолд өртөхөөс өмнөх 2 жилд хувиараа бизнес хийж байгаад байгаа сайн дурын даатгалд хамрагдаагүй. Энэ нөхцөлд иргэн М-д ямар тэтгэвэр авах эрх үүсэх вэ?
АнгилаагүйМонгол Улсын Их Хурлаас Улсын Их Хурлын ээлжит сонгууль зарлаж, санал авах өдрийг ... оны 06 дугаар сарын 13-ны өдөр хэмээн тогтоожээ. Үүнийг мэдсэн иргэн Ц нь Улсын Их Хурал хууль дээдлэх зарчмыг баримталж, уг шийдвэрээ гаргаагүй байна гэж үзэж Үндсэн хуулийн цэцэд хандав. Аль бодомж нь зөв бэ?
АнгилаагүйД нь “Б” дэлгүүрээс 1.5 сая төгрөгөөр ухаалаг телевиз худалдан авчээ. Гэтэл 1 сарын дараагаас телевизийн дэлгэц дээр жижиг цэгүүд үүсжээ. Ингээд Д нь “Б” дэлгүүрт очиж үзүүлтэл дэлгүүрийн засварын инженер үзээд үйлдвэрийн гэмтлээс үүдэлтэй гэмтэл байна гэж оношилжээ. Дэлгүүрийн зүгээс Д-ийн худалдан авсан телевизтэй яг ижил телевиз байхгүй тул телевизийн дэлгэцийг засаж өгөх санал тавьжээ. Д-ийн хувьд нэгэнт телевиз сонирхолгүй болсон тул өөрт илүү хэрэгтэй байгаа ижил үнийн дүнтэй зөөврийн компьютероор сольж өгөхийг хүсжээ. Боломжтой юу?
АнгилаагүйШүүгдэгч Т-д холбогдох хүн алах гэмт хэргийн шүүхийн хэлэлцүүлэг эхлэхийн өмнө Т-ийн өмгөөлөгч Б хэргийн цагдаагийн байранд саатуулагдаж байхдаа өгсөн мэдүүлгийг нотлох баримтаар тооцохгүй байх хүсэлтийг гаргажээ. Өмгөөлөгчийн хүсэлт үндэслэлтэй юу?
АнгилаагүйИргэний хэрэг шүүхэд хянан шийдвэрлэх тухай хуульд заасан эрх зүйн ач холбогдол бүхий үйл явдал гэж юу?
АнгилаагүйО нь олон жилийн турш өс санаж явсан Л-г харанхуй гудамжинд харгис хэрцгийгээр зодож хохирогчийг хөдөлөхөө болих үед нь үхүүлчихлээ хэмээн бодоод орхиж явсан байна. Гэвч тус гудамжаар алхаж явсан иргэн Л-г цаг алдалгүй эмнэлгийн байгууллагад хүргэж амь насыг нь аварсан боловч насан туршдаа хэвтэрт байхаас өөр аргагүй гэж эмч нар хэлжээ. О-гийн үйлдэлд дүгнэлт өгнө үү?
АнгилаагүйХүний хувийн мэдээлэл хангах тухай хуульд заасан “хүний хувийн мэдээлэл” гэх ойлголт аль нь вэ?