Хуульчийн шалгалтын асуулт, хариулт — 2 | HuuliTech

Асуултын сан

Хуульчийн шалгалтын асуултын сан

Асуулт, зөв хариулт, тайлбарыг үзэж, хамтдаа хэлэлцэн суралцаарай.

Дараагийн шалгалтад бэлдэх

Авлига, ашиг сонирхлын зөрчлийн эрх зүй Агентлагийн эрх зүйн байдал Ангилаагүй Арбитр ба эвлэрүүлэн зуучлалын эрх зүй Арбитрын эрх зүй Банк, банк бус санхүүгийн байгууллага Банк, санхүү, үнэт цаасны эрх зүй Барьцааны эрх, Улсын бүртгэл Барьцаа, үл хөдлөх эд хөрөнгийн барьцаа Бусад эрх зүй Бусдын газар дээр барилга байгууламж барих эрх Гаалийн эрх зүй Газар, байгалийн нөөц ба хот байгуулалтын эрх зүй Газар эзэмших, ашиглах, өмчлөхтэй холбоотой төрийн байгууллага албан тушаалтны эрх хэмжээ Гэм хор арилгах, үүргийн гүйцэтгэлийг хангах арга Гэр бүлийн хүчирхийлэлтэй тэмцэх эрх зүй Гэр бүлийн эрх зүй Дампуурал ба төлбөрийн чадварын эрх зүй Дипломат, консулын эрх зүй Засаг захиргаа, нутаг дэвсгэрийн нэгж, түүний удирдлага Захиргааны хэрэг хянан шийдвэрлэх эрх зүй Захиргааны эрх зүй Зөрчлийн эрх зүй Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай Иргэний хэрэг хянан шийдвэрлэх эрх зүй Иргэний хэрэг шүүхэд хянан шийдвэрлэх эрх зүй Иргэний эрх зүй Иргэний эрх зүй — гэр бүл ба өв залгамжлал Иргэний эрх зүй дэх хугацаа Иргэний эрх зүйн үндсэн ойлголт - Иргэний эрх зүйн харилцаа, хууль тогтоомж Иргэний эрх зүйн харилцаанд оролцогчид Итгэл үнэмшилтэй байх, үг хэлэх, жагсаал цуглаан хийх, хэвлэн нийтлэх эрх Компанийн ба бизнесийн эрх зүй Мөнгө угаах болон терроризмыг санхүүжүүлэхтэй тэмцэх Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай Нийтийн эрх зүй Нийтийн эрх зүй — бусад Олон улсын гэрээ Олон улсын нийтийн эрх зүй Олон улсын татвар / татварын гэрээ Олон улсын хувийн эрх зүй Олон улсын эдийн засгийн эрх зүй Олон улсын эрүүгийн эрх зүй, хүмүүнлэгийн эрх зүй Өмчийн эрх зүй, эдийн болон эдийн бус баялаг Өрсөлдөөний эрх зүйн зохицуулалт Санхүүгийн эрх зүй — Төв банк, валют, үнэт цаас/өр Сервитут Сонгуулийн эрх зүй Стандарт нөхцөл Татвар, гаалийн эрх зүй Татвар ногдуулалт төлөлтөд хяналт тавих, хяналт шалгалт хийхтэй холбогдсон харилцаа Татварын мэргэшсэн зөвлөх үйлчилгээ Татварын талаарх төрийн байгууллага, албан тушаалтан, иргэний эрх хэмжээ Татварын тогтолцоо Төлөөлөл Төрийн байгуулал, нийтийн удирдлагын эрх зүй Төрийн байгуулалтын эрх зүйн үндэс Төрийн байгууллын эрх зүй Төрийн өмч ба худалдан авах ажиллагааны эрх зүй Төрийн өмч, төсөв, санхүү Төсөв, өр ба төрийн санхүүгийн эрх зүй Узуфрукт Улсын бүртгэлийн эрх зүй Үндсэн хуулийн эрх зүй Үнэт цаасны эрх зүйн зохицуулалт Үүргийн гүйцэтгэлд саад болох нөхцөл байдал Үүргийн эрх зүй Үүрэг гүйцэтгэх Хөдөлмөр, нийгмийн хамгааллын эрх зүй Хөрөнгө оруулалтын эрх зүйн зохицуулалт Хувийн эрх зүй Хувийн эрх зүй — бусад Хугацаа, хөөн хэлэлцэх хугацаа Хүний эрх, тэгш байдал ба мэдээллийн эрх зүй Хууль зүйн туслалцаа, үйлчилгээ Хуульчийн ёс зүй Хуульчийн эрх зүйн байдал Хэлцэл, нийтлэг үндэслэл Шүүгчийн эрх зүйн байдал Шүүх ба хууль зүйн мэргэжлийн эрх зүй Шүүхийн захиргаа Шүүхийн иргэдийн төлөөлөгчийн эрх зүйн байдал Шүүхийн шинжилгээ Шүүх эрх мэдэл Шүүх эрх мэдэл ба шүүхийн тогтолцоо Эвлэрүүлэн зуучлал Эрүүгийн хэрэг хянан шийдвэрлэх эрх зүй Эрүүгийн эрх зүй Яамны эрх зүйн байдал

ХайхСалбар

49 асуулт

Нийтийн эрх зүй — бусад · Нийтийн эрх зүй

Улсын Их Хурлын ээлжит сонгууль товлон зарлаж, санал авах өдрийг 2024 оны 06 дугар сарын 28-ны өдөр байхаар тогтоожээ. Улмаар Улсын бүртгэлийн асуудал эрхэлсэн төрийн захиргааны байгууллагын дарга 2024 оны 04 дүгээр сарын 01-ны өдрөөс 2024 оны 06 дугаар сарын 28- ны өдрийг дуусталх хугацаанд иргэний шилжилт хөдөлгөөнийг зогсоох тухай шийдвэр гаргасан байна. Энэ нь үндэслэлтэй эсэх?

Нийтийн эрх зүй — бусад · Нийтийн эрх зүй

Иргэн А-гийн хүүхэд ерөнхий боловсролын 14 дүгээр сургуулийн 2 дугаар ангид суралцдаг. Хүүхдийнх нь анги даасан багш түүнийг 05 дугаар сарын 13-ны өдөр “school роїїсе”-р ажиллах мэдэгдэх хуудас гардуулжээ. А нь нэгэн дэлгүүрт худалдааны менежерээр ажилладаг бөгөөд дэлгүүрийн захиргаанд хандаж чөлөө хүссэн боловч татгалзсан хариу авсан байна. Дэлгүүрийн захиргаа түүнд чөлөө олгох үүрэгтэй юу?

Нийтийн эрх зүй — бусад · Нийтийн эрх зүй

Улсын Их Хурлын сонгуульд бие даан нэр дэвшигч Б нь тойргийнхоо хэсэг бүрд 3-4 ухуулах байр ажил ажиллуулж сурталчилгаагаа явуулж байв. Тус тойрогт Х намаас нэр дэвшигчдийн нэг нь Б-г буруушааж, ийм олон тооны ухуулах байр ажиллуулахаа зогсоохыг шаардсан байна. Харин уг шаардлагыг Б эсэргүүцэж, бие даан нэр дэвшигч миний хувьд боломжтой л бол хэдэн ч ухуулах байр ажиллуулах эрхтэй гэжээ. Хэнийх нь зөв бэ?

Нийтийн эрх зүй — бусад · Нийтийн эрх зүй

Иргэн Т орон нутгийн ээлжит сонгуулийн жилийн 03 дугаар сарын эхээр Нийслэлээс Баянхонгор аймагт шилжин ирж суурьшаад байхад 04 дүгээр сарын 29-ны өдөр Улсын Их Хурлаас Орон нутгийн ээлжит сонгуулийг товлон зарлаж, санал авах өдрийг тогтоов. Тэрээр “А” намын гишүүн бөгөөд аймгийн намын салбар байгууллагаас Аймгийн Иргэдийн Төлөөлөгчдийн Хуралд түүний нэрийг дэвшүүлэх санал тавьсныг хүлээн зөвшөөрсөн байна. Ингээд нэр дэвшигчийг бүртгэх хугацаа эхлэхэд Т нь Аймгийн сонгуулийн хороонд бүртгүүлэхээр хүсэлтээ гаргахад шаардлага хангаагүй гэдэг үндэслэлээр татгалзжээ. Ийнхүү татгалзах нь үндэслэлтэй юу?

Өмнөх2-р хуудасДараах

Сэдэв

Нийтийн эрх зүй — бусад · Нийтийн эрх зүй

Архангай аймгийн Батцэнгэл сумын хэсэг иргэд тус сумын хуралд нэр дэвшигчид сурталчилгаандаа ашиглаж байгаа тээврийн хэрэгсэлд чанга яригч байрлуулсан нь хэдийгээр өдрийн цагаар ч гэсэн бидний амгалан тайван байдлыг алдагдуулж, хууль зөрчиж байна гэсэн гомдлыг сумынхаа цагдаагийн хэлтэст гаргажээ. Нэр дэвшигчид хууль зөрчсөн үү?

Нийтийн эрх зүй — бусад · Нийтийн эрх зүй

Хүний эрх хамгаалагч Э нэгэн дүүргийн цагдаагийн хэлтсийн даргаас ажлын шаардлагаар авто машин гаргаж өгөхийг хүсээд татгалзсан хариу авчээ. Тэрээр Цагдаагийн ерөнхий газрын даргад тухайн дүүргийн хэлтсийн дарга хүний эрх хамгаалагчийн эрхийг хүндэтгэх үүргээ биелүүлсэнгүй гэсэн гомдол гаргасан. Хүний эрх хамгаалагчийн эрхийг хүндэтгэх үүрэг гэдэгт үл хамаарахыг олно уу?

Нийтийн эрх зүй — бусад · Нийтийн эрх зүй

Улсын Их Хурлаас 2024 оны 01 дүгээр сарын 30-нд ээлжит сонгууль товлон зарлаж, санал авах өдрийг тогтоов. Мөн оны 02 дугаар сарын 15-нд Улсын дээд шүүхэд бүртгүүлсэн “Х” нам хуульд заасан хугацаанд Сонгуулийн ерөнхий хороонд сонгуульд оролцохоо илэрхийлж хандсан байна. Харин Сонгуулийн ерөнхий хороо танай нам сонгууль товлон зарлахаас хойно Улсын дээд шүүхэд бүртгүүлсэн тул энэ удаагийн сонгуульд оролцох эрхгүй гэсэн хариу ирүүлжээ. Энэхүү шийдвэр үндэслэлтэй юу?

Нийтийн эрх зүй — бусад · Нийтийн эрх зүй

Улсын Их Хурлын чуулганаар Монгол Улсын засаг захиргаа, нутаг дэвсгэрийн хуваарьт өөрчлөлт оруулах тухай хэлэлцэж байв. Цөөнхийн бүлгийн гишүүд оруулах гэж буй өөрчлөлтийг эсэргүүцэж, хэлэлцэхээ зогсоохыг Улсын Их Хурлын даргаас шаардаад, тодорхой хугацааны дараа чуулганы хуралдаанд оролцохоо зогсоосон байна. Үүний улмаас хуралдааны ирц хангагдахгүй болж, чуулганы ажиллагаа зогсоход хүрчээ. Иймээс Ерөнхийлөгч парламент дахь олонх, цөөнхийн бүлгийн дарга нарыг тус бүрээс таван гишүүний хамт хүлээн авч үүссэн асуудлын талаар нухацтай ярилцав. Гэтэл иргэн У нь Ерөнхийлөгчийг тангаргаасаа няцан хууль зөрчиж, улс төрийн намуудтай хамтарч ажиллаж байна гэсэн үндэслэлээр Цэцэд хандсан байна. Иргэн У-гийн мэдээлэл үндэслэлтэй юу?

Нийтийн эрх зүй — бусад · Нийтийн эрх зүй

Нэгэн намын дэргэдэх судалгааны байгууллагын судлаачид Улсын Их Хурлын ээлжит сонгуулийн жилийн 3 дугаар сард өөрийн намын улс төрийн чансаа тогтоох зорилгоор нийт аймаг тус бүрийн 20.000 сонгогчид мессеж илгээн санал асуулга зохион байгуулжээ. Энэхүү санал асуулгын дүнгээр манай намын чансаа дээгүүр гарсан гэх мэдээллийг өдөр тутмын нэг сонин болон намынхаа албан ёсны цахим хуудастаа нийтэлсэн байна. Тэдний энэ үйлдлийг зөвтгөх үндэслэл бий юу?

Нийтийн эрх зүй — бусад · Нийтийн эрх зүй

Иргэн А бичиг үсэг тайлагдаагүй нэгэн. Тэрээр Ерөнхийлөгчийн сонгуульд оролцож саналаа өгөхөөр санал авах байранд төрсөн дүү 16 настай М- ийн хамт ирж, төхөөрөмжид хуруугаа уншуулаад иргэний үнэмлэхээрээ бүртгүүлж саналын хуудас авчээ. Гэвч тухайн хэсгийн хорооны дарга санал бэлтгэх бүхээгт түүний дүүг хамт оруулаагүй байна. Хэсгийн хорооны даргын үйлдэл зөв үү?

Нийтийн эрх зүй — бусад · Нийтийн эрх зүй

Нэгэн сургуулийн багш Д нь өөрийн даасан 10 дугаар ангийн сурагчдад хандан хичээлийн дараа сургуулийнхаа ойролцоо байдаг Сэлбэ голын эргээр хөглөрсөн хог түүхийг уриалав. Уг арга хэмжээнд ангийн нийт 38 сурагчаас 30 нь сайн дураар оролцсон байна. Ингэхдээ тэд ярилцаж зөвшилцөөд хүүхэд тус бүр 500, багш 5.000 төгрөг гаргаж нэг удаагийн бээлий, шуудай зэргийг авчээ. Гэтэл тус ангийн Ө-гийн ээж үүнийг мэдээд хүүхдүүдээс дур мэдэн мөнгө хураан, албадан хөдөлмөрлүүлсэн багш Д-г буруушаан арга хэмжээ авахыг сургуулийн захирлаас шаардав. 15-16 насны хүүхэд тус арга хэмжээнд оролцох эрхтэй юу?

Нийтийн эрх зүй — бусад · Нийтийн эрх зүй

Сонгогчдын боловсрол хэмээх төрийн бус байгууллага нь Ерөнхийлөгчийн сонгуульд ажиглагчаар оролцох хүсэлтээ Сонгуулийн ерөнхий хороонд гаргаж бүртгүүлжээ. Улмаар хуульд заасан хугацаанд холбогдох баримт бичгийг бүрдүүлэн томилсон хоёр ажиглагчаа бүртгүүлж, үнэмлэх олгуулахаар нэгэн хэсгийн хороонд хандахад сонгогчийн санал авах манай байрны багтаамж бага тул танайхаас нэг хүнийг л ажиглагчаар бүртгэж үнэмлэх олгохоор шийдвэрлэсэн гэсэн хариу өгсөн байна. Хэсгийн хорооны шийдвэр үндэслэлтэй эсэх?

Нийтийн эрх зүй — бусад · Нийтийн эрх зүй

Улсын Их Хурлын сонгуулийн 13 дугаар тойрог нь 5 мандаттай. Х намын таван нэр дэвшигч хэлэлцэн тохиролцоод хамтран нэг ухуулах байранд үйл ажиллагаагаа явуулж байв. Гэтэл нэг өдөр хэсгийн хорооны дарга тэдний ухуулах байранд ирээд нэр дэвшигч тус бүр нэг хэсэгт хоёроос илүүгүй ухуулах байр ажиллуулах ёстой атал тавуулаа хамтран нэг ухуулах байранд үйл ажиллагаа явуулж нэг дор хэт олон хүн цуглуулан бужигнуулж байгаа нь хуулийн зөрчил, иймээс тус тусдаа өөрийн байранд үйл ажиллагаагаа явуулах шаардлага тавьсан байна. Энэхүү шаардлага үндэслэлтэй эсэх?

Нийтийн эрх зүй — бусад · Нийтийн эрх зүй

Монгол Улсад явагдсан Ерөнхийлөгчийн сонгуулийн дүн гарч нэр дэвшигч А олонхын санал авчээ. Улмаар Улсын Их Хурал түүнийг Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрөх тухай хууль баталсан байна. Чуулганы нэгдсэн хуралдааны завсарлагаагаар шинэ сонгогдсон Ерөнхийлөгчийн тангараг өргөх ёслол хэзээ товлогдсон, Ерөнхийлөгч хэнд тангараг өргөх зэрэг мэдээлэл авахаар нэгэн сэтгүүлч Улсын Их Хурлын гишүүнД-д хандахад тэрээр “Бид хуулиа баталчихлаа, тэгэхээр хуульд заасан хугацаанд шинэ сонгогдсон Ерөнхийлөгч ард түмэндээ тангараг өргөнө” гэжээ. Ерөнхийлөгч хэнд тангараг өргөх вэ?

Нийтийн эрх зүй — бусад · Нийтийн эрх зүй

Булган аймгийн Иргэдийн Төлөөлөгчдийн Хурлын сонгуульд оролцохоор бүртгүүлсэн “A” нам нэр дэвшүүлэх ажиллагаагаа 6 хоногийн, “Э” нам 9 хоногийн хугацаанд дуусгаад гурав хоногт багтаан холбогдох баримт бичгийг Аймгийн сонгуулийн хороонд хүргүүлжээ. Харин хуульд заасан хугацаанд нэр дэвшүүлэх ажиллагаагаа явуулаагүй гэдэг үндэслэлээр “Э” намын нэр дэвшигчдийг бүртгэхээс татгалзсан байна. Үндэслэлтэй юу?

Нийтийн эрх зүй — бусад · Нийтийн эрх зүй

Хан-Уулдүүргийн хүүхдийн чуулганаас хүүхдийн элчээр өргөмжлөгдсөн А нь Баянгол дүүргийн Засаг даргад хандаж гомдол гаргав. Түүний ажлын газар нь тус дүүрэгт байрладаг бөгөөд ихэнх гудамжны гэрэлтүүлэг ажиллахгүй байгааг ажлаа тараад харих замдаа анзаарчээ. Иймээс хүүхдийн аюулгүй байдалд ноцтой хохирол учруулахаар байгаа тул нэн даруй засварлахыг шаардсан байна. Энэ нь боломжтой эсэх?

Нийтийн эрх зүй — бусад · Нийтийн эрх зүй

Улсын Их Хурлаас Ерөнхийлөгчийн сонгууль товлон зарлаж, 2024 оны 06 дугаар сарын 10-ны өдөр гэж санал авах өдрийг тогтоожээ. Ингээд Улсын Их Хуралд суудал бүхий 4 намаас тус бүр нэг хүнийг нэр дэвшүүлж, тэдгээр нь Сонгуулийн ерөнхий хороонд бүртгүүлэхээр хандахад “Х” намаас нэр дэвшигчийг 50 нас хүрээгүй гэдэг үндэслэлээр татгалзсан хариу өгсөн байна. “Х” намаас нэр дэвшигч нь 1974 оны 07 дугаар сарын 13-нд төрсөн 50 настай хүн юм. Сонгуулийн ерөнхий хорооны шийдвэр үндэслэлтэй юу?

Нийтийн эрх зүй — бусад · Нийтийн эрх зүй

Иргэн Н орон нутгийн сонгуульд оролцохдоо Хан-Уул дүүргийн болон Нийслэлийн Иргэдийн Хурлын төлөөлөгчид зэрэг бие даан нэрээ дэвшүүлсэн байна. Түүний гаргасан хүсэлтийн дагуу дүүргийн сонгуулийн хороо нэр дэвшигчээр бүртгэж үнэмлэх олгосон бол харин Нийслэлийн сонгуулийн хороо нэг хүн хоёр шатны хуралд зэрэг нэр дэвших боломжгүй гэх үндэслэлээр түүнийг бүртгэхээс татгалзжээ. Нийслэлийн сонгуулийн хорооны шийдвэр зөв үү?

Нийтийн эрх зүй — бусад · Нийтийн эрх зүй

Нэгэн сумын Иргэдийн Төлөөлөгчдийн Хурлын төлөөлөгчийг сонгох сонгуулийн санал авах өдөр тус сумын сонгуулийн дугаар хэсгийн хорооны дарга А сонгогчид саналын хуудастай танилцаж тэмдэглэгээ хийж байхад тэдний ширээнүүдийн араар нааш цааш холхиод байхаар нь сонгуулийн ажиглагч Б энэ үйлдлээ зогсоохыг шаардсан байна. Гэтэл А нь миний бие хэсгийн хорооны даргын хувьд сонгууль зохион байгуулахад хуульд заасан ил тод байдлыг хангах зарчмын дагуу ийнхүү нөхцөл байдлыг ажиглах үүрэгтэй гэж хариулжээ. Таны бодлоор хэсгийн хорооны даргын хариулт зөв үү?

Нийтийн эрх зүй — бусад · Нийтийн эрх зүй

Баянгол дүүргийн 18 дугаар хороонд байнгын оршин суугчийн бүртгэлтэй иргэн Ц нь сүүлийн 3 жил АНУ-д оршин суусан бөгөөд орон нутгийн ээлжит сонгуулийн жилийн 08 дугаар сарын 20-ны өдөр эх орондоо буцаж иржээ. Ээлжит сонгуулийн санал авах өдрийг тухайн жилийн 10 дугаар сарын 02-ны өдөр гэж зарласан байв. Иргэн Ц найз нөхдийн зөвлөснөөр цахим хуудаст байршуулсан сонгогчдын нэрийн жагсаалтаас өөрийн мэдээллийг үзээд нэрийнх нь ард «Түр хасав» тэмдэглэгээ хийсэн байсныг мэдэж иргэн миний сонгох эрхийг зөрчсөн хэмээн Улсын бүртгэлийн байгууллагад гомдол гаргажээ. Гомдол нь үндэслэлтэй юу?

Нийтийн эрх зүй — бусад · Нийтийн эрх зүй

Улсын Их Хурлын гишүүн У хууль санаачлах эрхийнхээ хүрээнд нэгэн хуулийн төсөл боловсруулжээ. Тэрээр Улсын Их Хурлын албан ёсны цахим хуудсанд иргэдээс санал авахаар уг төслөө байршуулсан байна. Энэ нь:

Нийтийн эрх зүй — бусад · Нийтийн эрх зүй

Монгол Улсад байнга оршин суугч аль ч улсын харьяалалгүй Т гэгч хүүхдээ зуны амралтаар нь хүүхдийн зусланд амруулахаар бүртгүүлэх гэхэд манай улсын иргэн биш гээд татгалзсан хариу өгчээ. Тэрээр зуслангийн захиргаанд хандан Хүүхдийн эрхийн тухай хуулиар хамгаалагдсан хүүхдийн хөгжих эрхийг зөрчиж буй талаар нь гомдол гаргав. Дараах хариултуудаас зөвийг нь сонгоно уу?

Нийтийн эрх зүй — бусад · Нийтийн эрх зүй

Иргэн Я нь 5 жилийн хорих ялаар шийтгүүлж, хорих газарт ялаа биечлэн эдэлж байгаад 2024 оны 05 дугаар сарын сүүлээр хугацаанаасаа өмнө суллагдсан байна. Ээжтэйгээ нэг орой телевизийн мэдээ үзэж суутал улсын бүртгэлийн цахим санд байршуулсан сонгогчдын бүртгэлээ иргэд хэрхэн нягталж болох тухай ярьсныг сонсоод ээж нь гэрийнхнийхээ мэдээллийг шалгаад үз гэжээ. Гэтэл түүний нэрийн ард “Түр хасав” гэсэн тэмдэглэгээ хийсэн байв. Иргэн Я энэ удаагийн сонгуульд оролцож, сонгох эрх эдлэх үү?

Нийтийн эрх зүй — бусад · Нийтийн эрх зүй

Баян-Өлгий аймгийн Иргэдийн Төлөөлөгчдийн Хурлын төлөөлөгчийн нөхөн сонгуулийн санал авах өдрийг 2008 оны 10 дугаар сарын 03-ны өдөр гэж товлосон байна. Иргэн К тус аймагт мөн оны 02 дугаар сарын эхээр шилжин суурьшиж, байнгын оршин суугчаар бүртгүүлсэн ажээ. Тэрээр тус нөхөн сонгуульд бие даан нэрээ дэвшүүлэхээр шийдэж хуульд заасан хугацаанд холбогдох бичиг баримтыг бүрдүүлэн Аймгийн сонгуулийн хороонд хандсан боловч шилжин суурьшиж, байнгын оршин суугчаар бүртгүүлэх хугацааны шаардлага хангаагүй гэх үндэслэлээр татгалзсан хариу өгсөн байна. Аймгийн сонгуулийн хорооны шийдвэр үндэслэлтэй эсэх?