Хуульчийн шалгалтын асуултын сан

Бусад эрх зүй · ҮНДСЭН ХУУЛИЙН ЦЭЦЭД МАРГААН ХЯНАН ШИЙДВЭРЛЭХ АЖИЛЛАГААНЫ ТУХАЙ ХУУЛЬ

Монгол Улсын Их Хурлын сонгуулийн тухай хуульд “Нэр дэвшигч ... дараах шаардлагыг хангасан байна гээд 6 хүртэл жилийн хугацаанд... Төсвийн тогтвортой байдлын зөвлөлд гишүүнээр ажиллаж байгаагүй» гэсэн заалт нэмжээ. Улсын Их Хурлаас «Монгол Улсын Их Хурлын 2024 оны ээлжит сонгууль товлон зарлах, санал авах өдрийг тогтоох тухай» тогтоол гарган, ээлжит сонгуулийн санал авах өдрийг 2024 оны 06 дугаар сарын 28-ны өдөр байхаар тогтоожээ. Хуулийн дээрх заалт Үндсэн хууль зөрчсөн үү?

Бусад эрх зүй · ЗАХИРГААНЫ ЕРӨНХИЙ ХУУЛЬ

Гадаадын иргэн, харьяатын газрын даргын тушаалаар БНХАУ-ын иргэн Л-ийг Монгол Улсад бусдын бие махбодод хөнгөн гэмтэл санаатай учруулсан гэмт хэрэгт торгох ял авсан үндэслэлээр 1 жилийн хугацаатай Монгол Улсаас албадан гаргахаар болжээ. Гэвч тушаалд энэхүү шийдвэрийн эсрэг хэнд, хэзээ гомдол гаргаж болох талаар заагаагүй байна. Хууль зүйн хувьд зөв үү?

Бусад эрх зүй · ЗАХИРГААНЫ ЕРӨНХИЙ ХУУЛЬ

Нэгэн захиргааны байгууллагаас хуулиар эрх олгосны дагуу захиргааны хэм хэмжээний акт батлахдаа түүний үндэслэл болсон хуулийн заалтыг тэмдэглэх хэсэгт заагаагүй байна. Энэ тохиолдолд захиргааны хэм хэмжээний акт хуульд нийцсэн үү?

Бусад эрх зүй · ЗАХИРГААНЫ ЕРӨНХИЙ ХУУЛЬ

Нэгэн байгаль орчны улсын байцаагч хулгайгаар мод бэлтгэсэн бүлэг хүмүүсийг илрүүлжээ. Улмаар тэдэнд торгох шийтгэл ногдуулсан боловч байгаль орчинд учирсан хохирлыг төлүүлээгүй байна. Үүнийг тайлбарлахдаа “хуулиар надад сонгох боломж олгосон тул зөвхөн торгоод орхисон” гэв. Энэ тайлбар хууль зүйн үндэслэлтэй юу?

Бусад эрх зүй · НИЙТИЙН МЭДЭЭЛЛИЙН ИЛ ТОД БАЙДЛЫН ТУХАЙ ХУУЛЬ