Шүүхийн тогтоол #3251

ХЭРГИЙН ТАНИЛЦУУЛГА: "О с" ХХК нь өөрийн барилгын ажлын зөвшөөрлийн гэрчилгээг хүчингүй болгосон албан бичгийг хүчингүй болгуулахаар нэхэмжилсэн. Хариуцагч нь архитектур төлөвлөлтийн даалгавар, загвар зургийг зөрчиж, барилга хоорондын зайг норм дүрэмд заасан хэмжээнээс ойртуулсан гэж үзсэн. Нэхэмжлэгч нь сонсгол хийсэн өдрөө шийдвэр гаргасан, тайлбар санал гаргах боломж олгоогүй, захиргааны актад гомдол гаргах этгээд, хугацааг дурдаагүй гэж маргажээ. АНХАН ШАТ: Барилга хоорондын зай нь норм, дүрмийг хангаагүй, бусдад аюул учруулж болзошгүй үндэслэлээр нэхэмжлэлийн шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхны шатны шүүх хуулийг зөв хэрэглэсэн, шинжээчийн дүгнэлтийг үндэслэл болгосон, нэхэмжлэгч зөрчлийг үгүйсгэх баримт ирүүлээгүй гэж анхан шатны шүүхийн шийдвэрийг хэвээр үлдээсэн. ХЯНАЛТЫН ШАТ: Шүүх шүүхийн шийдвэрт нөлөөлөхүйц ноцтой зөрчил гаргаагүй тул шийдвэр, магадлалыг хэвээр үлдээж, нэхэмжлэгчийн гомдлыг хангахгүй орхисон. ҮНДЭСЛЭЛ: Шинжээчээр томилсон этгээд хариуцагчаар хэрэг хянан шийдвэрлэх ажиллагаанд оролцож байгаа үндэслэлээр татгалзаж дүгнэлт гаргаагүй байхад шинжээчээр томилсон захирамж гаргасныг шүүхийн шийдвэрт нөлөөлөхүйц ноцтой зөрчил гэж үзэхгүй. Шүүхээс тавьсан асуултуудад шинжээч хариу ирүүлээгүй, нотлох баримт гаргуулах албан бичгийн дагуу дүгнэлт гаргаж ирсэн нь нэхэмжлэгчийн барилга хот, тосгоны төлөвлөлт барилгажилтын норм, дүрмийг хангаагүй зөрчлийг үгүйсгэхгүй.