Тогтоол №7778

ХЭРГИЙН ТАНИЛЦУУЛГА: Нэхэмжлэгч нь Архангай аймгийн Боловсрол, шинжлэх ухааны газрын сонгон шалгаруулалтын өөрт холбогдох хэсгийг илт хууль бус болохыг тогтоолгохоор нэхэмжилжээ. АНХАН ШАТ: Архангай аймаг дахь Захиргааны хэргийн анхан шатны шүүх нь нэхэмжлэлийг хангаж, хариуцагчийн сонгон шалгаруулалтын нэхэмжлэгчтэй холбоотой хэсгийг илт хууль бус болохыг тогтоосон. Хуулийн зүйл заалт: Захиргааны ерөнхий хуулийн 47.1.3, 47.1.6, Боловсролын ерөнхий хуулийн 28.6, 33.3.2. ДАВЖ ЗААЛДАХ ШАТ: Хариуцагчийн итгэмжлэгдсэн төлөөлөгч нь нотлох баримтыг дутуу цуглуулсан, холбогдох хуулиудыг хэрэглээгүй, буруу тайлбарласан гэх үндэслэлээр анхан шатны шүүхийн шийдвэрийг эсэргүүцсэн. ҮНДЭСЛЭЛ: Давж заалдах шатны шүүх нь нэхэмжлэгчийг сонгон шалгаруулах эрх нь тухайн байгууллагын захиралд хамаарах боловч хариуцагч нь хуулиар олгогдоогүй бүрэн эрхийг хэрэгжүүлж, улмаар нэхэмжлэгчийн хөдөлмөрлөх эрхийг хөндсөн гэж дүгнэн, анхан шатны шүүхийн шийдвэрт өөрчлөлт оруулж, хариуцагчийн гомдлыг хангахгүй орхисон. Хуулийн хэрэглээ: Боловсролын ерөнхий хуулийн 28.6, 33.3.2, Төрийн албаны тухай хуулийн 4.1, Захиргааны ерөнхий хуулийн 47.1.3.