Тогтоол №2178

ХЭРГИЙН ТАНИЛЦУУЛГА: Сургуулийн захирлын сонгон шалгаруулалттай холбоотой захиргааны байгууллагын даргын тушаалыг хууль бус болохыг тогтоолгох тухай нэхэмжлэл. АНХАН ШАТ: Нэхэмжлэлийн шаардлагыг хангаж, захиргааны байгууллагын даргын тушаалыг илт хууль бус болохыг тогтоосон. Захиргааны ерөнхий хуулийн 47.1.3-д заасныг баримталсан. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, сонгон шалгаруулалтыг зохион байгуулах, хүчингүй болгох эрх нь тухайн байгууллагын даргад хамаарах, комиссыг шинээр байгуулах шаардлагатай байсан гэж маргасан.

ҮНДЭСЛЭЛ: Анхан шатны шүүх нотлох баримтыг бүрэн цуглуулж, хэргийн нөхцөл байдалд үндэслэлтэй дүгнэлт хийж, хэрэг хянан шийдвэрлэх ажиллагааны журам зөрчөөгүй. Нэхэмжлэгчийг албан тушаалд томилох үндэслэл болсон сонгон шалгаруулалт нь хуулийн дагуу хийгдсэн байсан. Хариуцагч нь хуульд загдаагүй эрх хэмжээгээ хэтрүүлэн, өмнө нь шүүхээр хүлээн зөвшөөрөгдсөн асуудлаар дахин тушаал гаргаж, төрийн албаны тогтвортой байх зарчмыг зөрчсөн. Нэхэмжлэгч нь эрх бүхий байгууллагын сонгон шалгаруулалтад оролцож, тэнцэн томилогдсон тул түүний эрх, ашиг сонирхолд халдах үндэслэлгүй. Анхан шатны шүүхийн шийдвэрт хэрэглэсэн хуулийн зүйл заалтыг тодотгож, хариуцагчийн давж заалдах гомдлыг хангахгүй орхисон.