Тогтоол №7530

ХЭРГИЙН ТАНИЛЦУУЛГА: "Н" ХХК нь өөрт хамаарах газрыг нийтийн эдэлбэр газар болгосон тогтоолыг хүчингүй болгож, газрыг эзэмших эрхийг нь баталгаажуулах, гэрчилгээ олгох, гэрээ байгуулахыг хариуцагчдад даалгахыг шаардсан. АНХАН ШАТ: Нэхэмжлэлийн бүх шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Анхан шатны шүүх хэргийг хянан шийдвэрлэхдээ хуулийн зөрчил гаргасан, нотлох баримтыг бүрэн цуглуулаагүй, хуулийг буруу хэрэглэсэн гэж үзэн анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр анхан шатны шүүх рүү буцаасан.

ҮНДЭСЛЭЛ: Дээд шүүхийн тогтоолоор хүчингүй болгосон захиргааны актыг сэргээсэн буюу үл харгалзан шийдвэрлэсэн нь буруу. Газар эзэмших эрхийн гэрчилгээ хүчингүй болгогдсон захиргааны актын талаарх маргаан шийдвэрлэгдээгүй байхад тухайн газрыг нийтийн эдэлбэр газарт тооцсон нь хууль бус. Газрын тухай хуулийн 40.5-д заасны дагуу шүүхийн шийдвэр гартал шинээр газар эзэмших эрхийн гэрчилгээ олгохгүй байх, бусдад эзэмшүүлэхгүй байх зарчмыг зөрчсөн. Захиргааны байгууллага шүүхэд бодит мэдээлэл өгөлгүй, хууран мэхэлж, эрх зүйн байдлыг өөрчилсөн нь тогтоогдсон. Хамгаалалтын зохицуулалтыг хэрэглээгүй, нөхөн олговор олгоогүй нь буруу. Үндсэн хууль болон бусад хуулийн зохицуулалтыг хэрэглээгүй, тайлбарлаагүй.