ХЭРГИЙН ТАНИЛЦУУЛГА: "Ш" ХХК нь импортлосон шатахууны гаалийн татварыг буруу ногдуулж хохироосон гэж үзэн Гаалийн ерөнхий газарт холбогдуулан нэхэмжлэл гаргав. АНХАН ШАТ: "Ш" ХХК-ийн нэхэмжлэлийн шаардлагыг бүхэлд нь хэрэгсэхгүй болгож шийдвэрлэв. ДАВЖ ЗААЛДАХ ШАТ: Нэхэмжлэгчийн итгэмжлэгдсэн төлөөлөгч нь гаалийн байгууллага болон анхан шатны шүүх нь холбогдох журмыг буруу хэрэглэсэн, шүүх хуралдаанд хандлага нь хууль зөрчсөн, нэг асуудалд хоёр өөр дүгнэлт хийсэн гэж гомдол гаргав. Хариуцагч нь анхан шатны шүүхийн шийдвэрийг хэвээр үлдээж өгөхийг хүсэв.
ҮНДЭСЛЭЛ: Импортлогч "Ш" ХХК нь Ашигт малтмалын тухай хуульд заасан тусгай зөвшөөрөл эзэмшдэггүй компаниудад шатахуун худалдаалсан нь Засгийн газрын 134 дүгээр тогтоолоор тогтоосон онцгой албан татварын хэмжээг бууруулах, эсхүл ногдуулахгүй байх үндэслэл болохгүй. Автобензин, дизелийн түлшийг импортолсон тохиолдолд Онцгой албан татварын тухай хуулийн дагуу татвар ногдуулах үүрэгтэй. "Ш" ХХК нь Ашигт малтмалын тухай хуульд заасан хайгуулын болон ашиглалтын тусгай зөвшөөрөл эзэмшигчийн үйл ажиллагаанд ашиглах зорилгоор импортлосон автобензин, дизелийн түлшийг 415 дүгээр горимоор гаалийн байгууллагад мэдүүлсэн нь буруу биш. Анхан шатны шүүх хуулийг зөв тайлбарлан хэрэглэсэн.