Тогтоол №5330

ХЭРГИЙН ТАНИЛЦУУЛГА: Ажил үүргээ гүйцэтгэхдээ төрийн албан хаагчийн ёс зүйн хэм хэмжээг зөрчсөн, ажил үүргээ гүйцэтгээгүй, бусдыг дарамталсан үндэслэлээр төрийн албанаас халагдсан иргэний албан тушаалд эгүүлэн тогтоолгож, цалин хөлсөө гаргуулах тухай нэхэмжлэл. АНХАН ШАТ: Нэхэмжлэлийн шаардлагыг бүхэлд нь хэрэгсэхгүй болгосон. Төрийн албаны тухай хуулийн 37 дугаар зүйлийн 39.1.4, 48 дугаар зүйлийн 48.1, 48.1.4, 48.8-д заасныг үндэслэв. ДАВЖ ЗААЛДАХ ШАТ: Нэхэмжлэгч нь анхан шатны шүүхийн шийдвэрийг эс зөвшөөрч, шүүх хуралдаанд оролцох эрхээ хангаагүй, нотлох баримтыг бүрэн цуглуулаагүй, хуулийг буруу хэрэглэсэн гэж гомдол гаргасан. Шүүх анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхилоо.

ҮНДЭСЛЭЛ: Төрийн албаны тухай хуулийн 48.5, 48.7-д заасныг зөрчсөн гэх гомдол үндэслэлгүй. Анхан шатны шүүхийн шийдвэр хүчин төгөлдөр болсноос хойш 2 сарын хугацаа өнгөрөөгүй байхад хариуцагч дахин шинэ акт гаргасан нь хууль зүйн үндэслэлтэй. Сахилгын зөрчил гаргаснаас хойш хугацаа хэтэрсэн гэж үзэхгүй. Нэхэмжлэгчийн шүүх хуралдаанд оролцох эрхийг хангасан.