Тогтоол №4841

ХЭРГИЙН ТАНИЛЦУУЛГА: "Т Х" ХХК нь Байгаль орчин, аялал жуулчлалын сайдын газар ашиглах эрхийг цуцалсан тушаалыг хүчингүй болгож, эрхийг сэргээлгүүлэхээр нэхэмжилжээ. АНХАН ШАТ: Захиргааны ерөнхий хууль, Газрын тухай хууль, Татварын ерөнхий хуульд заасныг үндэслэн сайдын тушаалын холбогдох хэсгийг хүчингүй болгож, нэхэмжлэгчийн газар ашиглах эрхийг сэргээхийг сайдад даалгажээ. ДАВЖ ЗААЛДАХ ШАТ: Хариуцагч тал анхан шатны шүүхийн шийдвэрийг эс зөвшөөрч, нэхэмжлэгч нь тусгай хамгаалалттай газарт үйл ажиллагаа явуулахдаа хуульд заасан журмыг зөрчсөн, газраа 2 жил дараалан ашиглаагүй, бусдад дамжуулан ашигласан зэрэг үндэслэлээр давж заалдсан. Нэхэмжлэгч тал хариуцагчийн гомдлыг эс зөвшөөрч, компани нь хамтран ажиллах гэрээний дагуу үйл ажиллагаа явуулсан, цар тахлаас шалтгаалсан хүндэтгэн үзэх шалтгаантай, гэрээ байгуулаагүй нь төрийн байгууллагын буруутай үйлдэл зэрэг үндэслэлээр хариу тайлбар гаргажээ.

ҮНДЭСЛЭЛ: Давж заалдах шатны шүүх нь нэхэмжлэгч компани нь газраа хуульд заасан журмын дагуу ашигласан, цар тахлаас шалтгаалсан хүндэтгэн үзэх шалтгаантай байсныг тогтоож, анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхижээ. Газар ашиглах эрхийг цуцлах үндэслэл болох 2 жил дараалан ашиглаагүй нь хүндэтгэн үзэх шалтгаантай байсан тул хуульд нийцэхгүй гэж үзсэн. Хөрөнгө оруулалт хийж хамтран ажилласан нь газраа бусдад дамжуулан ашигласанд тооцогдохгүй гэж дүгнэсэн. Хамгаалалтын захиргааны санал дүгнэлт нь хуулийн шаардлагад нийцээгүй, нэхэмжлэгчийн эрх ашиг хөндөгдөхөд урьдчилан мэдэгдээгүй нь захиргааны шийдвэр гаргах ажиллагааны зарчмыг зөрчсөн байна.