Тогтоол №4514

ХЭРГИЙН ТАНИЛЦУУЛГА: З.Б нь Шударга өрсөлдөөн, хэрэглэгчийн төлөө газрын улсын байцаагчийн шийтгэлийг хүчингүй болгуулахаар гомдол гаргав. АНХАН ШАТ: З.Б-ийн гомдлыг бүхэлд нь хэрэгсэхгүй болгож, улсын байцаагчийн шийтгэлийг хэвээр үлдээн шийдвэрлэв. ДАВЖ ЗААЛДАХ ШАТ: Гомдол гаргагчийн өмгөөлөгч нь анхан шатны шүүхийн шийдвэр хэт нэг талыг барьсан, хэрэгт дурдагдаагүй зүйлийг тайлбарлаж дүгнэлт гаргасан гэж үзэн шийдвэрийг хүчингүй болгуулахаар гомдол гаргав.

ҮНДЭСЛЭЛ: З.Б нь Коронавирус цар тахлын үед бараа тээврийн хөлсийг үндэслэлгүй нэмэгдүүлж хэрэглэгчдийг хохироосон нь Өрсөлдөөний тухай хуулийн 12.1.10, Зөрчлийн тухай хуулийн 10.7.4.7-д заасныг зөрчсөн гэж үзэх үндэслэлтэй. Хууль бус орлого болох 26,000,000 төгрөгийг хурааж, 2,000,000 төгрөгөөр торгох шийтгэл нь хуульд нийцсэн. З.Б-ийг холбогдогчоор тогтоож мэдүүлэг авсан нь Зөрчил шалган шийдвэрлэх тухай хуулийн 3.1.1-д заасныг зөрчөөгүй. Хохирогчийг тогтоогоогүй гэх гомдол нь хэрэглэгч гэдэг ойлголтоор үндэслэлгүй. Иймд анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхив.