Тогтоол №4449

ХЭРГИЙН ТАНИЛЦУУЛГА: "Б э" ХХК-ийн хувьцаа эзэмшигчид нь "Г т" ХХК-д шилжүүлсэн газрын эрхийн талаар Нийслэлийн Засаг даргын гаргасан захирамжийг хүчингүй болгуулахаар шаардсан. АНХАН ШАТ: Захиргааны ерөнхий хууль, Захиргааны хэрэг шүүхэд хянан шийдвэрлэх тухай хууль, Газрын тухай хуулийн холбогдох зүйл заалтыг баримтлан нэхэмжлэлийн шаардлагыг бүхэлд нь хангаж, Нийслэлийн Засаг даргын захирамжийг хүчингүй болгож, газрын эрхийг "Б э" ХХК-д буцаан шилжүүлэхийг даалгасан. ДАВЖ ЗААЛДАХ ШАТ: Хариуцагч болон гуравдагч этгээд анхан шатны шүүхийн шийдвэрийг хууль болон нотлох баримтыг буруу үнэлсэн, хувьцаа эзэмшигчдийн эрх хөндөгдөөгүй, иргэний эрх зүйн маргаан байхад захиргааны хэргийн шүүхэд хандсан зэрэг үндэслэлээр эсэргүүцсэн.

ҮНДЭСЛЭЛ: Газар эзэмших эрхийн гэрчилгээг шилжүүлэхэд нотариатаар гэрчлүүлсэн гэрээ шаардлагатай байсан ч уг гэрээ нь нотариатаар гэрчлэгдээгүй нь хувьцаа эзэмшигчийн эрхийг шууд зөрчөөгүй, тэдний хууль ёсны ашиг сонирхолтой шууд холбоогүй гэж үзэв. Компанийн гүйцэтгэх удирдлага болон хувьцаа эзэмшигчдийн хоорондын маргаан нь компанитай холбоотой захиргааны актад хамааралгүй, иргэний эрх зүйн асуудал болохыг тогтоов. Анхан шатны шүүх захиргааны байгууллагын үйл ажиллагаатай холбоогүй хувийн эрх ашиг, гэрээний үүргийн маргааныг буруу шийдвэрлэсэн тул давж заалдах гомдлын зарим хэсгийг хангаж, анхан шатны шүүхийн шийдвэрийг хүчингүй болгон нэхэмжлэлийг хэрэгсэхгүй болгосон.