Тогтоол №3981

ХЭРГИЙН ТАНИЛЦУУЛГА: "О" ХХК нь Ашигт малтмал, газрын тосны газрын Кадастрын хэлтсийн даргын хууль бус үйлдлийг тогтоолгож, өргөдлийг нь шийдвэрлэхийг даалгахыг шаардсан. АНХАН ШАТ: Ашигт малтмалын тухай хууль, Иргэдээс төрийн байгууллагад гаргасан өргөдөл, гомдлыг шийдвэрлэх тухай хуулийг баримтлан, хариуцагч нь "О" ХХК-ийн өргөдлийг шийдвэрлэхдээ хууль зүйн үндэслэлгүй татгалзсан нь хууль бус болохыг тогтоож, өргөдлийг хүлээн авч шийдвэрлэхийг хариуцагчид даалгасан. ДАВЖ ЗААЛДАХ ШАТ: Хариуцагч нь анхан шатны шүүхийн шийдвэрийг эс зөвшөөрч, "О" ХХК нь хугацаа хожимдуулж өргөдөл гаргасан, шаардлагатай баримт бичгийг бүрэн ирүүлээгүй тул өргөдлийг хүлээн аваагүй нь үндэслэлтэй байсан гэж гомдол гаргасан.

ҮНДЭСЛЭЛ: Хариуцагч нь "О" ХХК-ийн өргөдлийг шийдвэрлэхдээ хүндэтгэн үзэх шалтгаантай байсан эсэхийг нь судлах үүрэгтэй байсан боловч үүргээ биелүүлээгүй. Ашигт малтмалын тухай хуулийн дагуу тусгай зөвшөөрлийн хугацаа сунгах өргөдлийг хугацаанд нь гаргаагүй ч хүндэтгэн үзэх шалтгааны улмаас гаргах боломжгүй байсан нөхцөл байдлыг хянан үзэх үүрэгтэй. Иймд анхан шатны шүүхийн шийдвэрийг хэвээр үлдээж, хариуцагчийн гомдлыг хангахгүй орхисон.