Тогтоол №3181

ХЭРГИЙН ТАНИЛЦУУЛГА: “Б.Д” ХХК нь Увс аймгийн Өндөрхангай сумын Засаг даргыг Увс аймгийн Өндөрхангай сумын нутаг дахь ашигт малтмалын хайгуулын тусгай зөвшөөрөл бүхий талбайн 2018 оны байгаль орчны менежментийн төлөвлөгөөг батлахгүй байгааг хууль бус эс үйлдэл гэж тогтоолгож, батлахыг даалгахыг шаарджээ. АНХАН ШАТ: Анхан шатны шүүх нэхэмжлэлийн шаардлагыг бүхэлд нь хэрэгсэхгүй болгосон. ДАВЖ ЗААЛДАХ ШАТ: Нэхэмжлэгч нь анхан шатны шүүхийн шийдвэрийг эс зөвшөөрч, нэхэмжлэлийн шаардлагаа хангуулахаар гомдол гаргасан. Анхан шатны шүүх хэргийг шийдвэрлэхдээ нотлох баримтуудыг бүрэн цуглуулаагүй, хуулийг буруу хэрэглэсэн гэж үзжээ. ҮНДЭСЛЭЛ: Тусгай зөвшөөрөл эзэмшигч нь тусгай зөвшөөрлийн хугацаа сунгуулах өргөдлийг холбогдох байгууллагад гаргахаасаа өмнө байгаль орчны менежментийн төлөвлөгөөг сумын Засаг даргад хүргүүлэн батлуулаад дараа нь орон нутгийн байгаль орчны хяналтад хянуулах ёстой байсан. Нэхэмжлэгч нь энэхүү шаардлагыг хангаагүй, сумын Засаг даргад төлөвлөгөөгөө батлуулахаар хандсан гэх нотлох баримт хэрэгт авагдаагүй тул хариуцагчийн эс үйлдэхүйг хууль бус болохыг тогтоох боломжгүй. Анхан шатны шүүхийн шийдвэрийг хэвээр үлдээж, давж заалдах гомдлыг хангахгүй орхисон.